پاکپتن،کورٹ میرج کرنے پر لڑکے کی والدہ اور بہن اغوا

پنجاب کے ضلع پاکپتن میں پسند کی شادی کرنے پر لڑکی کے والدین نے لڑکے کی والدہ اور بہن کو اغوا کرلیا۔ پولیس نے دو دن بعد مقدمہ درج کرلیا مگر مغوی تاحال بازیاب نہ ہوسکے۔

فیصل آباد کی رہائشی شائستہ نامی لڑکی نے پاکپتن کے طاہر نامی نوجوان سے 10 اکتوبر کو کورٹ میرج کرلی تھی۔ لڑکی کے والدین دونوں کے پیچھے پاکپتن پہنچے اور لڑکے کے گھر پر حملہ کرکے اس کی 45 سالہ والدہ اور کمسن بہن کو بھی کو زبردستی اپنے ساتھ لے گئے۔

لڑکے کی خالہ کا کہنا ہے کہ میری بہن یہاں بیٹھ کر سبزی بنا رہی تھی۔ اس دوران ملزمان آئے اور اس کو بازو سے پکڑ لیا۔ پھر کمرے میں گئے، وہاں سے 10 سالہ بیٹی کو بھی اٹھا لیا اور چلے گئے۔

ماموں نے بتایا کہ ملزمان گھر کے باہر دو گھنٹے تک ملزمان فائرنگ کرتے رہے اور پھر میری بہن اور بھانجی کو اٹھا لے گئے۔ اس نے الزام عائد کیا کہ 15 پر کال بھی کی مگر پولیس نہیں آئی۔ مغوی خاتون کے شوہر کے مطابق جب وہ تھانے گئے تو ایس ایچ او نے گالیاں دے کر انہیں وہاں سے بھگا دیا۔

دو دن مغویوں کا پتہ نہ چلنے اور گھر والوں کے احتجاج پر پولیس نے ہفتے کو مقدمہ درج کرلیا ہے جبکہ ماں اور کمسن بیٹی کو تاحال بازیاب نہ کروا سکی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

145