نیپرا: بجلی مزید 64پیسے فی یونٹ مہنگی

فوٹو: ٹوئٹر

نیپرا نے بجلی ایک ماہ کے ليے 64پیسے فی یونٹ مہنگی کردی۔

نیشنل الیکٹرک پاور ریگولیٹری اتھارٹی (نیپرا) نے 64 پیسے بجلی مہنگی کرنے کا نوٹیفکشین جاری کردیا۔ نوٹیفکیشن کے مطابق بجلی فروری کی فیول ایڈجسٹمنٹ کی مد میں مہنگی کی گئی ہے۔

بجلی کی قیمت 64پیسے بڑھنے سے صارفین پر 4ارب 40 کروڑ روپے کا اضافی بوجھ پڑے گا جبکہ نیپرا کی جانب سے اضافی وصولی اپریل کے بلوں کی مدمیں لی جائے گی۔

نوٹیفکیشن کے مطابق بجلی کی قیمتوں میں اضافے کا اطلاق لائف لائن اور کے الیکٹرک صارفین پر نہیں ہوگا۔

دو ماہ قبل بھی وفاقی حکومت کی درخواست پر نیپرا نے بجلی ایک روپیہ 95پیسے فی یونٹ مہنگی کرنے کی منظوری دی تھی۔

قبل ازیں 11فروری کو سہ ماہی بنیادوں پر فیول ایڈجسٹمنٹ کےلیے بجلی کی قیمتوں میں 83 پیسے فی یونٹ اضافہ کیا گیا تھا، جس سے عوام کی جیب پر 84 ارب روپے اضافی بوجھ پڑا تھا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

103