شہزاداکبرکانام ای سی ایل میں ڈالنےکی قرار دادپنجاب اسمبلی میں جمع

image

وزیراعظم کےسابق مشیراحتساب شہزاد اکبر کا نام ای سی ایل میں ڈالنے کے مطالبے کی قرارداد پنجاب اسمبلی میں جمع کروادی گئی ہے۔

پنجاب اسمبلی میں یہ قرارداد پاکستان مسلم لیگ (ن) کی رکن سعدیہ تیمور کی جانب سے جمع کرائی گئی۔

قرارداد کا متن ہے کہ شہزاد اکبر پر براڈ شیٹ اسکینڈل میں بڑی رقم وصولی کا الزام ہے، شہزاد اکبر نے احتساب کے نام پرانتقام کو لیڈ کیا۔

متن میں یہ بھی درج ہے کہ شہزاد اکبر کی جانب سے اپوزیشن رہنماﺅں پر بنائے گئے مقدمات جھوٹ کا پلندہ ثابت ہوئے ہیں اور تمام اپوزیشن رہنما عدالتوں سے سرخرو ہوئے ہیں۔

متن میں مطالبہ کیا گیا کہ مشیر احتساب شہزاد اکبر کا نام ای سی ایل میں ڈالا جائے۔

واضح رہےکہ پیر کو مشیر برائے داخلہ واحتساب شہزاد اکبر نے اپنے عہدے سے  استعفیٰ دے دیا اوروزیراعظم عمران خان نے ان کا استعفیٰ منظور کرلیا۔

انھوں نےاستعفیٰ دیتے ہوئے کی گئی ٹوئٹ میں امید ظاہر کی کہ پاکستان تحریک انصاف کے منشور کے مطابق وزیراعظم عمران خان کی قیادت میں احتساب کا عمل جاری رہے گا۔

شہزاد اکبر نے بطور مشیر، نیب کو صرف ایک شوگر ملز اسکينڈل کا کیس بھیجا۔لاہورہائیکورٹ ہائی کورٹ نے قرار دیا تھا کہ يہ شہزاد اکبر کا اختیار نہیں،تمام کیسز نیب نے خود نوٹس لے کر یا پرائیویٹ شکایات پر بنا رکھے ہيں اورنيب کسی بھی کیس کے پیچھے شہزاد اکبر کا ہاتھ ہونے کو تسلیم نہیں کرتی جبکہ قانون کے مطابق نیب شہزاد اکبر کا ماتحت نہیں ہے۔


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.