وزیر اعلیٰ پنجاب کا مفت بجلی کا اعلان ضابطہ اخلاق کے تحت قرار

image

الیکشن کمیشن نے وزیر اعلیٰ پنجاب حمزہ شہباز کی جانب سے مفت بجلی کا اعلان ضابطہ اخلاق کے تحت قرار دے دیا۔

ترجمان الیکشن کمیشن کا کہنا ہے کہ مفت بجلی کا اعلان الیکشن کمیشن کے ضابطہ اخلاق کی خلاف ورزی نہیں ہے۔

انہوں نے کہا کہ کسی پروگرام کا اعلان صوبے کیلئے کیا جائے تو وہ ضابطہ اخلاق کی خلاف ورزی نہیں۔

خیال رہے کہ گزشتہ روز وزیراعلیٰ پنجاب حمزہ شہباز نے اعلان کیا تھا کہ سو یونٹ تک بجلی استعمال کرنے والے گھریلو صارفین سے بل وصول نہیں کیا جائے گا۔

جس پر پاکستان تحریک انصاف کے رہنما فرخ حبیب نے تنقید کرتے ہوئے کہا کہ مفت بجلی کی فراہمی ووٹرز کو لالچ دینا ہے، ثابت ہو گیا ہے کہ عوام ان کو ووٹ دینے کے لیے تیار نہیں ہیں۔

انہوں ںے الزام عائد کیا کہ حمزہ شہباز عدالتی احکامات کی کھلی خلاف ورزی کر رہے ہیں۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.