پاکستان امن کا خواہاں ہے، دہلی میں پاکستانی ناظم الامور کا پرچم کشائی تقریب سے خطاب

image

نئی دہلی: پاکستان کے ناظم الامور آفتاب حسن خان نے کہا ہے کہ پاکستان ہمیشہ سے خطے اور اس سے باہر امن کا خواہاں ہے، ہماری بہادر مسلح افواج ملک کے دفاع اور سلامتی کے لیے پیش پیش ہیں۔

ہم نیوز کے مطابق آفتاب حسن خان نے یہ بات ملک کے 75 ویں یوم آزادی کے حوالے سے پاکستانی ہائی کمیشن میں منعقدہ پرچم کشائی کی تقریب سے خطاب کرتے ہوئے کہی۔

پرچم کشائی کی تقریب میں ناظم الامور آفتاب حسن خان نے پاکستان کا پرچم بلند کیا جب کہ اس موقع پر ہائی کمیشن کے افسران اور عملے کے دیگر اراکین کے اہل خانہ سمیت دیگر افراد نے شرکت کی۔

پاکستانی ہائی کمیشن میں منعقدہ تقریب میں صدر مملکت ڈاکٹر عارف علوی اور وزیر اعظم میاں شہباز شریف کے خصوصی پیغامات پڑھ کر سنائے گئے، ناظم الامور آفتاب حسن خان نے پر مسرت موقع پر پاکستانی قوم کو مبار کباد پیش کی۔

پاکستانی ناظم الامور آفتاب حسن خان نے منعقدہ تقریب سے خطاب کرتے ہوئے کہا کہ آج پاکستان ترقی و خوشحالی کی راہ پر گامزن ہے۔

اسٹیٹ بینک نے 75 روپے کا یادگاری نوٹ جاری کر دیا

ہم نیوز کے مطابق پاکستانی ہائی کمیشن میں منعقدہ پرچم کشائی کی تقریب میں پاکستان ہائی کمیشن اسکول کے طلبہ نے ملی نغمے بھی پیش کئے۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.