ماشا اللہ بہت خوبصورت غزل کہی ہے ۔شاعرانہ خیالات بھی خوب ہیں مگر اِس غزل میں دو ایک شعروں میں کچھ وزن کی کمی محسوس کی اور میں نے چاہا کہ آپ کی اِس شاندار کاوش سے اِس خرابی کو دور کر دیا جائے تو یہ اور بھی خوبصورت ہو سکتی ہے سو اصلاح کے بعد یہ غزل ایسےلکھی جائے گی،امید ہے میری اِس گستاخی کو معاف فرما دیں گی۔
جزاک اللہ خیر بہت شکریہ کی آپ نے بہت خوبصورت اور ادبی انداز میں کوتاہی کی ناصرف نشاندہی کی بلکہ موزوں اصلاح بھی فرمائی جس کے لئے آپ کا معافی چاہنا نہیں بلکہ میرا آپ کو شکریہ کہنا بنتا ہے ایسے ہی اپنی قیمتی آرا و اصلاح سے کلام کی خامیوں سے آگاہ کیجئے گا
شکریہ ہمیشہ شاد و آباد رہیں

نہ مسجد دیکھتا ہوں اور نہ مندر دیکھتا ہوں
میں رب کو دِل کے اندر دیکھتا ہوں
برائے مہربانی پہلا شعر اسطرح پڑھا جائے شکریہ

ماشا اللہ بہت خوبصورت غزل کہی ہے ۔شاعرانہ خیالات بھی خوب ہیں مگر اِس غزل میں دو ایک شعروں میں کچھ وزن کی کمی محسوس کی اور میں نے چاہا کہ آپ کی اِس شاندار کاوش سے اِس خرابی کو دور کر دیا جائے تو یہ اور بھی خوبصورت ہو سکتی ہے سو اصلاح کے بعد یہ غزل ایسےلکھی جائے گی،امید ہے میری اِس گستاخی کو معاف فرما دیں گی۔
ہم سخن اچھّا لگا وہ ہم زبان اچھّا لگا
سچ کہا اس نے مگر اسکا بیان اچھالگا
بےنیازی میں بھی تھی ہم پر نظر جو آ پ کی
بے دھیانی میں جو ہم پر تھا دھیان اچھّا لگا
بوئے خاکِ یار سے مہکا ہوا آنگن ترا
اور اُس کے گِرد وہ کچّا مکان اچھّا لگا
صبح نو وہ نور کی چادر تھی پھیلی دور تک
اور اُس پر یہ کشادہ آسمان اچھّا لگا
سر جھکا کر بیٹھنا اسکا ہمارے درمیاں
مثلِ مہماں ایک انوکھا میزبان اچھّا لگا
جہاں رہیں خوش رہیں،
آپ کا مخلص،
وسیم

بے دھیانی میں جو تھا ہم پر دھیان اچھّا لگا