Add Poetry
Add Poetry

Poetries by مرید باقر انصاری

خول چڑھائے ہُوئے آ جاتے ہیں خول چہروں پہ چڑھائے ہوئے آ جاتے ہیں
لوگ کرتُوت چُھپائے ہوئے آ جاتے ہیں
گھر سے نکلے کوئی عورت تو ہوس کے پیکر
ہر طرف گھات لگائے ہوئے آ جاتے ہیں
جب بھی یاروں کی عنایات کا چرچا ہو تو ہم
زخم سینوں پہ سجائے ہوئے آ جاتے ہیں
کام کرنے پہ انہیں موت نظر آتی ہے کیا ?
وہ جو کشکول اٹھائے ہوئے آ جاتے ہیں
میری محفل میں مرے نعرے لگاتے ہوئے لوگ
نفرتیں دل میں چُھپائے ہوئے آ جاتے ہیں
میں زمانے کا ستایا ہوں مرے در پہ یونہیں
سب زمانے کے ستائے ہوئے آ جاتے ہیں
روز باقرؔ میرے مرقد پہ مرے ہی قاتل
شکل معصُوم بنائے ہوئے آ جاتے ہیں
  مرید باقر انصاری
یا کسی روڈ کے فُٹ پاتھ پہ مارے جائیں یا کسی روڈ کے فُٹ پاتھ پہ مارے جائیں
یا کسی موت کے کُنویں میں اُتارے جائیں
موت ہر وقت بھٹکتی ہے ہمارے سر پر
زندگی ہم تیری دہلیز پہ ہارے جائیں
ہم ہیں حق گو ہمیں خطرات لحق ہوتے ہیں
ہم جہاں جائیں دُعاؤں کے سہارے جائیں
ہم سدا موت ہتھیلی پہ لِیے پِھرتے ہیں
کیا خبر زیست کے کِس موڑ پہ مارے جائیں
جب بھی مقتل کو لہُو دینے کی باری آئے
سرِ فہرست سدا نام ہمارے جائیں
پِھر سے مکتب میں دھماکہ کوئی ہو سکتا ہے
بچے کچھ گھر میں رہیں پڑھنے نہ سارے جائیں
ہم دھماکوں سے اگر بچ بھی گئے تو باقرؔ
عین ممکن ہے سِناں پر سے گُزارے جائیں مرید باقر انصاری
دل کے برباد جزیروں کی خبر لے کوئی دل کے برباد جزیروں کی خبر لے کوئی
کاش بےحال فقیروں کی خبر لے کوئی
کیوں جلا اِن کے چراغوں میں غریبوں کا لہُو
میری بستی کے امیروں کی خبر لے کوئی
خوں گری عام ہے اور حرفِ ملامت بھی نہیں
ہیں کہاں مُردہ ضمیروں کی خبر لے کوئی
کیوں ترقی نہیں کر پایا ابھی تک کوئی شہر
کاش نااہل وزیروں کی خبر لے کوئی
پھر کسی سیپ کے آنگن میں چُھپے بیٹھے ہیں
جا کے ساحل پہ وہ ہیروں کی خبر لے کوئی
جانے کس حال میں ہیں زِندہ بھی ہیں یا مر گئے
ہجر کے مارے اسیروں کی خبر لے کوئی
کِس نے پیغامِ محبت میں ملاوٹ کی ہے
عشق کے سارے سفیروں کی خبر لے کوئی
میری قسمت میں کہیں وصل لکھا ہے کہ نہیں
میرے ہاتھوں کی لکیروں کی خبر لے کوئی
آج کیوں مجھ کو ستانے نہیں آئے باقرؔ
بچے کِس کے تھے شریروں کی خبر لے کوئی مرید باقر انصاری
کُچھ تو چہرے پہ خاک رہ جائے کُچھ تو چہرے پہ خاک رہ جائے
اور قبا یُوں ہی چاک رہ جائے
جِس سے بچپن کا پیار بِچھڑا ہو
کیسے وہ ٹھیک ٹھاک رہ جائے
ہم نے یُوں بھی محبتیں کی ہیں
جِسم کُچھ دِن تو پاک رہ جائے
جانے کیوں لوٹ کر نہیں آتے
آنکھ میں جن کی تاک رہ جائے
چھوڑ جا یادِ رفتگاں مُجھ کو
نِت مرا اِنہماک ... رہ جائے
ڈھل نہ جائے کہیں زمانے میں
جب وہ بِچھڑے تو باک رہ جائے
اُن کا بوسہ نصیب ہو بــــــــاقرؔ
روز خواہش ہلاک رہ جائے مرید باقر انصاری
یہ جب سے میں نے لوگوں سے سُنا ہے یہ جب سے میں نے لوگوں سے سُنا ہے
کہ وہ موجُود ہوتا ہر جگہ ہے
میں قاصر ہو گیا ہوں سوچنے سے
کہ مسجد میں یا مندر میں خُدا ہے
مگر ایسا بھی کہتے ہیں کُچھ اِنساں
ازل سے وہ فقط دِل میں چُھپا ہے
وگرنہ رات دِن اِنساں نہ جُھکتے
وہ کُچھ دِن پتّھروں میں بھی گیا ہے
وہ یکتا ہے کسی کا بھی نہیں ہے
اگر ہے تو سبھی کا ہی خُدا ہے
مجھے مجبُور جو وہ کر رہا ہے
کہ سوچُوں اُس کے بارے کہ وہ کیا ہے
مجھے لگتا ہے بـــــــاقرؔ میرے دِل میں
اُتر آہستہ آہستہ ...... رہا ہے
  مرید باقر انصاری
فقیر , شہر میں ایسے کبھی صدا دیں گے فقیر , شہر میں ایسے کبھی صدا دیں گے
تمام شہر کے دِیوار و دَر ہِلا دیں گے
دِیئے غریب کی کُٹیا کے چھیننے والو
دِیئے تُمہارے سبھی گھر کو ہی جلا دیں گے
ہماری کُٹیا جو تَرسی کبھی چراغوں کو
نہ دیں گے انس تو جُگنُو ہمیں ضیا دیں گے
کبھی تو عرش پہ بیٹھا بھی بول اُٹھّے گا
خُدا یہ فرش کے کب تک ہمیں سزا دیں گے
ستا نہ پاۓ گا وہ عُمر بھر کسی کو بھی
سِتم ظریف کو بسمل یُوں بدعا دیں گے
صدائیں حق کی سدا مقتلوں میں گُونجیں گی
کٹا کے سر بھی سدا حق کی ہم صدا دیں گے
کہ مِٹ تو جائیں گے دُنیا سے ہم بھی اے باقرؔ
مگر یہ ظُلم کا نام و نشاں مِٹا دیں گے
  مرید باقر انصاری
نہ مجھ سے میری چُھڑا غریبی نہ مجھ سے میری چُھڑا غریبی
ہے میری حاجت روا غریبی
کہ جب سے میں نے جنم لیا ہے
سبق ہے میں نے پڑھا غریبی
ہے اپنے قدموں پہ کیسے چلنا
گئی ہے مجھ کو سکھا غریبی
میں ساتھ اس کا نبھا رہا ہوں
ہے مجھ کو دیتی دعا غریبی
یہ ہے جو بچپن سے میری ساتھی
تو کیسے دوں میں بُھلا غریبی
وہ بندہ پیارا ہے اپنے رب کو
کہ جس کو دے دے خدا غریبی
زمانہ سارا ہی چھوڑ دے گا
مگر کرے گی وفا غریبی
اے لوگو اس سے نبھا کے دیکھو
کبھی نہ دے گی دغا غریبی
کہ جس پہ ناراض میرا رب ہو
ہے اس کو لگتی سزا غریبی
سمجھتا ہوں میں غریب کے دکھ
رہی ہے مجھ پہ سدا غریبی
مُـــــریدؔ مالک کی یہ عطا ہے
تُو اپنے دل سے لگا غریبی مرید باقر انصاری
نہیں ہے راج کی خواہش سکندروں کی طرح نہیں ہے راج کی خواہش سکندروں کی طرح
ہمیں نواز دے مالک قلندروں کی طرح
جو آج سہمے ہوئے چپ سے رہتے ہیں گمنام
وہ پھیل جائیں گے اک دن سمندروں کی طرح
اگر وہ چاہیں تو دنیا پلٹ کے رکھ دیں گے
نظر جو آئیں بظاہر گدا گروں کی طرح
فقیر لوگ نہیں تاج و تخت کے مہتاج
زمانہ جن کو جُھکے ہے سکندروں کی طرح
کہ سجدہ ریز ہو جن میں ہر ایک نوعِ بشر
ہوں مسجدیں تو کلیساؤں مندروں کی طرح
نہ جانے کس کا وہ بھگوان جا کے بن بیٹھا
جو ہم نے انس تراشا تھا پتھروں کی طرح
تو کیا ہوا ہے کہ تنہا ہیں آج شہر میں ہم
کبھی ہمارے بھی اپنے تھے لشکروں کی طرح
کبھی سرابوں میں خیمے کبھی پہاڑوں پہ گھر
تمام عمر رہا میں مسافروں کی طرح
ہے میرا حال ترے بعد دیکھنے والا
وہ آندھیوں کے ستاۓ بُجھے گھروں کی طرح
مرے نشان یُوں تاریخ میں ملیں گے کبھی
کہ ایک شخص تھا اُجڑا تھا کھنڈروں کی طرح
اکڑ کے چلنے کی عادت تُو بُھول جا باقرؔ
فقیری ذہن بنا لے سخنوروں کی طرح مرید باقر انصاری
اِس کے اظہار کو اظہار نہ سمجھا جاۓ اِس کے اظہار کو اظہار نہ سمجھا جاۓ
دل کسی کا بھی طلبگار نہ سمجھا جاۓ
دل تو پاگل ہے نئے انس پہ مرتا ہے روز
کوئی اس کا کبھی دلدار نہ سمجھا جاۓ
پتلہ مٹی کا وفا کر ہی نہیں سکتا کبھی
کسی انساں کو وفادار نہ سمجھا جاۓ
اس کے ہر کام میں حکمت جو چھپی ہوتی ہے
یوں کسی چیز کو بےکار نہ سمجھا جاۓ
اس کی مرضی جو نہ ہو پتہ نہیں ہل سکتا
خود کو بےکار کا مختار نہ سمجھا جاۓ
جس نے انسان سے نفرت کا کبھی درس دیا
ایسے دیں دار کو دیں دار نہ سمجھا جاۓ
شرک کرتا ہے کسی کا وہ دُکھاتا نہیں دل
ایسے کافر کو گنہگار نہ سمجھا جاۓ
یہ اگر چاہیں تو دنیا ہی پلٹ کر رکھ دیں
ان فقیروں کو اداکار نہ سمجھا جاۓ
جو دکھاوے کیلۓ ماتمِ شبیر کرے
ایسے مومن کو عزدار نہ سمجھا جاۓ
جو بھی لکھتا ہوں میں مالک کی عطا ہے باقرؔ
میرے فن کو میرا شہکار نہ سمجھا جاۓ مرید باقر انصاری
دماغ و ذہن پہ چھائی یہ ظلمتیں نکلیں دماغ و ذہن پہ چھائی یہ ظلمتیں نکلیں
کسی طرح تو مرے دل سے وحشتیں نکلیں
یوں مجھ کو وقت کے حاکم نے قتل کر ڈالا
میں چاہتا تھا کہ گاؤں سے غربتیں نکلیں
خطیبِ شہر سے جاں چھوٹے تب ہی ممکن ہے
دلوں میں نقش یہ بغض و عداوتیں نکلیں
معاشرے میں برائی کو روکنا ہے اگر
جڑیں برائی کی پہلے تو صحبتیں نکلیں
ہر ایک شہر میں ہی المیہ دکھائی دے
منافقت کو نکالیں تو غیبتیں نکلیں
وہ ایک بار جسے ہجر گھیر لیتا ہے
اسی کے حصے میں ساری مصیبتیں نکلیں
مری نمازوں میں باقرؔ خلل یہ ڈالتی ہیں
یہ میرے ذہن سے مٹی کی مورتیں نکلیں مرید باقر انصاری
سنگدل شہر سے جب کوئی سوالی آئے سنگدل شہر سے جب کوئی سوالی آئے
بھیک میں لے کے وہ ماں بہن کی گالی آئے
روز اجڑا ہوا گلشن یہ دعا کرتا ہے
میرے آنگن میں کبھی کوئی تو مالی آئے
مہرباں کوئی اسیروں ملے ایسا بھی
قیدِ زِنداں سے جو چپ چاپ نکالی آئے
میری میت پہ سبھی غیر تھے رونے والے
میرے اپنے تو بجاتے ہوۓ تالی آئے
آسماں چھونے لگے آج پھر ان کے جذبات
چوم دیوانے ترے در کی جو جالی آئے
قوم پھر آج ہے سوئی ہوئی غفلت کی نیند
کاش پھر میر یا اقبال یا حالی آئے
مجھ گنہگار پہ مالک کی عطا ہے باقرؔ
میرے حصے میں سدا شعر مثالی آئے
  مرید باقر انصاری
میں سوچتا ہوں کہیں ٹُوٹ ہی نہ جاؤں میں میں سوچتا ہوں کہیں ٹُوٹ ہی نہ جاؤں میں
اگر یہ ہجر میں کچھ اور پل بِتاؤں میں
میں سوچتا ہوں کہ دنیا تمہیں بدل دے گی
چلے جو بس تمہیں دنیا سے چھین لاؤں میں
میں سوچتا ہوں کہ جگنُو کو نوچ ہی ڈالوں
تمام تتلیاں پر کاٹ کر اُڑاؤں میں
میں سوچتا ہوں کہ اُجڑے شجر پہ ظلم کروں
برہنہ شاخیں شجر کی سبھی ہِلاؤں میں
میں سوچتا ہوں کسی کا بھی اب ملن مت ہو
یوں بیٹھے شاخ پہ دو پنچھی بھی اُڑاؤں میں
میں سوچتا ہوں مری طرح سب اُجڑ جائیں
کہ جب وہ روئیں تو جی بھر کے مسکراؤں میں
میں سوچتا ہوں کہ گُل ہوں سکندری کے چراغ
سکندروں کے سبھی تاج توڑ آؤں میں
میں سوچتا ہوں زمانہ کبھی بدل جاۓ
جو ہیں غریب انہیں تخت پر بھی پاؤں میں
میں سوچتا ہوں کبھی ڈھونڈ لاؤں آبِ حیات
ہیں میرے جتنے بھی دُشمن اُنہیں پِلاؤں میں
میں سوچتا ہوں کبھی کام ایسا کر جاؤں
عدُو کی آنکھوں میں بھی آنسُو چھوڑ جاؤں میں
میں سوچتا ہوں کہ پاگل کہیں نہ ہو جاؤں
تمہارے ہجر کی شمع کبھی بجھاؤں میں
میں سوچتا ہوں کبھی خُود کو قتل کر ڈالوں
اور اپنے خُون کے تالاب میں نہاؤں میں
میں سوچتا ہوں کہ باقرؔ مَروں تو کچھ ایسے
کہ دُشمنوں کو بھی شِدّت سے یاد آؤں میں مرید باقر انصاری
جو اپنی گلی سے بھی گزرنے نہیں دیتا جو اپنی گلی سے بھی گزرنے نہیں دیتا
وہ دل میں کسی کو بھی اُترنے نہیں دیتا
کیوں یادوں میں اُلجھاۓ وہ رکھتا ہے ہمیشہ
مل جانے پہ دیدار جو کرنے نہیں دیتا
مقروض محض ایک نوالے کا جو کر لے
مفلس کو وہ زردار سنورنے نہیں دیتا
دن رات جگاتا ہے وہ خدام کی صورت
مفلس کو کبھی چین سے مرنے نہیں دیتا
سمجھو کے لہُو اُس کی رَگوں میں ہے یزیدی
پانی وہ جو دریا سے بھی بھرنے نہیں دیتا
مذہب ہے سدا میرا جو انساں سے بھلائی
خلوت میں یہ جذبہ مجھے ڈرنے نہیں دیتا
باقرؔ وہ جو خود جھوٹ کا پیکر ہے جہاں میں
محفل میں کسی کو بھی مکرنے نہیں دیتا مرید باقر انصاری
غزلوں میں غم و درد کا رس گھولنے والا غزلوں میں غم و درد کا رس گھولنے والا
شاعر ہو تو پریوں کے بھی پر تولنے والا
وہ گھر سے جو نکلے تو معطّر ہو فضا بھی
خلوت میں وہ خُوشبو کی رسن کھولنے والا
دنیا میں ہُنر چہرہ شناسی کا بہت ہے
ہو کوئی تو دل میں چُھپے غم پھولنے والا
آواز دبا دیتا ہے مُفلس کی ہمیشہ
میزان عدالت کا یہاں تولنے والا
مے وہ ہے جو بھٹکے ہُوؤں کو رستہ دکھاۓ
ہوتا نہیں میخار کبھی ڈولنے والا
چُپ کیوں ہے مجھے تخت پہ بیٹھا ہُوا پا کر
خستہ میری حالت پہ بہت بولنے والا
باقرؔ وہ خریدے گا کبھی سارے جہاں کو
صحرا میں چُھپے ہیرے گُہر رولنے والا
مُـــــــــــــرید بــــــــــــاقرؔ انصـــــــــــاری
.
. مرید باقر انصاری
عمر بھر وہ شخص جو مجھ سے جفا کرتا رہا عمر بھر وہ شخص جو مجھ سے جفا کرتا رہا
سوچتا ہوں کس سے آخر وہ وفا کرتا رہا
کتنا پاگل تھا میں دعوت دے رہا تھا موت کو
رُوح اپنی جسم سے جب میں رِہا کرتا رہا
رات میں نے دوستی کی اک عجب دیکھی مثال
فاختہ پیچھے چلی جگنو ضیا کرتا رہا
میں تو اپنی جھونپڑی میں سو گیا تھا چین سے
تیز آندھی میں دفاع اپنا دِیا کرتا کرتا رہا
پھول بیچارے وہی کُملا گۓ کچھ دیر بعد
ترس کھا کر جن کو کانٹوں سے جُدا کرتا رہا
جب بھی دیتا چوٹ پانی بھی پلاتا تھا مجھے
ہاۓ ہاۓ میرا دشمن کیا بھلا کرتا رہا
بےوجہ کل تک میں اپنے دُشمنوں سے تھا خفا
کام تو اچھے برے سارے خُدا کرتا رہا
آج میری ہی دعاؤں سے ہوا وہ کامیاب
عمر بھر میرے لیۓ جو بدعا کرتا رہا
وہ مری دستار میں کانٹے چبھو کر چل دیا
جس کے حصے میں, مَیں ہیرے بہا کرتا رہا
میری قسمت میں کوئی بھی باوفا ساتھی نہیں
جو ملا مجھ کو وہی مجھ سے دغا کرتا رہا
وہ بھی میرے دُشمنوں کے ساتھ آخر ہو لیا
زندگی بھر جس کی میں حاجت روا کرتا رہا
جِس کے عیبوں کو میں کُھلنے سے بچاتا رہ گیا
وہ بھرے بازار میں میرا گِلا کرتا رہا
میرے ہی دل میں چھپا بیٹھا تھا وہ چپ چاپ سا
میں عبادت گاہوں میں جس کا پتا کرتا رہا
عمر بھر مدمقابل یوں رہے میں اور خُدا
میں خطا کرتا رہا ہوں وہ عطا کرتا رہا
تیز طوفاں میں پھنسی کشتی بچانے کےلیے
کوششیں ناکام کتنی ناخدا کرتا رہا
ٹوٹ کر رویا ہے کیوں وہ آج میری قبر پر
عمر بھر جو میرے مرنے کی دعا کرتا رہا
میں یُونہی ثابت قدم رہتا تھا ہر میدان میں
دُور مجھ سے مُشکلیں مُشکل کُشا کرتا رہا
میرے دُشمن بھی یہی کہتے پھریں گے میرے بعد
کیا غضب کی شاعری اک دل جلا کرتا ہے
میرے فن نے مجھ کو زندہ رکھا میرے بعد بھی
تھا وہ مخلص نام جو اونچا مرا کرتا رہا
سنگدل وہ مجھ سے ملنے آج تک آیا نہیں
جس کی خاطر میں نمازیں بھی قضا کرتا رہا
اپنی اپنی ضد پہ باقر دونوں ہی قائم رہے
میں وفا کرتا رہا ہوں وہ جفا کرتا رہا مرید باقر انصاری
اپنے پہلُو میں وہ غیروں کو بِٹھاتا کیوں ہے اپنے پہلُو میں وہ غیروں کو بِٹھاتا کیوں ہے
چاہتا جب وہ نہیں مجھ کو جلاتا کیوں ہے
سمجھ آتی نہیں اُس کی انہی باتوں کی مجھے
خُود ہنساتا ہے تو پھر خُود ہی رُلاتا کیوں ہے
کیسے دُوں گا میں زمانے کے سوالوں کے جواب
لوگ پُوچھیں گے کہ وہ تجھ کو ستاتا کیوں ہے
جب بھی اُس شخص کے میں سامنے آ جاتا ہوں
تو وہ چہرے سے نقاب اپنا ہٹاتا کیوں ہے
رات بھر سوچتا رہتا ہوں اِسی بات کو میں
مجھے اُلفت کے ہی قصے وہ سُناتا کیوں ہے
اگر اُس نے میرا نام اِس پہ نہیں لکھا ہے
مجھ سے پھر اپنی ہتھیلی کو چھپاتا کیوں ہے
اُس سے باقرؔ کبھی ناراض جو ہو جاؤں میں
مجھے خوابوں میں وہ رو رو کے مناتا کیوں ہے مرید باقر انصاری
زمیں پہ آج یہ حُوروں کا کیوں ہجوم ہُوا زمیں پہ آج یہ حُوروں کا کیوں ہجوم ہُوا
اور ان کے ساتھ فرشتوں کا کیوں ہجوم ہُوا
کسی بزرگ ولی کا جنازہ ہے شاید
وگرنہ صحن میں پریوں کا کیوں ہجوم ہُوا
ہے رسمِ زُلف کشائی یا غُسل میت کا
میں سوچتا ہوں کہ اربوں کا کیوں ہجوم ہُوا
یہ قتل گاہ نہیں ہے یہ ملک ہے میرا
خُدارا روز یہ لاشوں کا کیوں ہجوم ہُوا
اِسی کا رِزق جو کھا کر اِسی کو کاٹتے ہیں
یہ میرے ملک میں کُتّوں کا کیوں ہجوم ہُوا
یُوں اعتبار نہ اُٹھ جاۓ دین سے ہی کہیں
یہ دن بدن نۓ فرقوں کا کیوں ہجوم ہُوا
تِرا اِشارا ہی کافی تھا میرے مرنے کو
یہ قتل گاہ یہ نیزوں کا کیوں ہجوم ہُوا
کوئی بھی غیر تماشائیوں میں تھا ہی نہیں
جو میں تھا دار پہ اپنوں کا کیوں ہجوم ہُوا
حیات تھا تو کوئی پُوچھتا نہ تھا مجھ کو
یہ میری لاش پہ لوگوں کا کیوں ہجوم ہُوا
کسی درندے کی پھر سے نظر نہ پڑ جاۓ
کنارے جھیل کے بچوں کا کیوں ہجوم ہُوا
بڑا ہی میں تو گنہگار شخص تھا بــــــــاقرؔ
مری لحد پہ پرندوں کا کیوں ہجوم ہُوا مرید باقر انصاری
شام ہوتے ہی گۓ چھوڑ سحر کے ساتھی شام ہوتے ہی گۓ چھوڑ سحر کے ساتھی
اب بنائیں گے کسی اور نگر کے ساتھی
وہ جو اک عمر سے ویران کھنڈر میں ہے کھڑا
ہیں کہاں کھو گۓ برباد شجر کے ساتھی
پاس جب تک رہے دولت تو نبھاتے ہیں ساتھ
کام آتے نہیں مشکل میں یہ گھر کے ساتھی
کل مرے قتل میں شامل تھے جو دشمن کے ساتھ
وہ بھی نکلے مرے منظورِ نظر کے ساتھی
ہے تمہیں ڈھونڈ رہی دؤرِ منافق کی نظر
چھپ ہی جاؤ اے سناں پہ سجے سر کے ساتھی
آج وہ دوستوں کے ساتھ لگا یوں پیارا
جیسے کہ رات ستارے تھے قمر کے ساتھی
میں نے صدیوں کی مسافت سے یہ سیکھا باقرؔ
دے نہیں پاتے سدا ساتھ سفر کے ساتھی مرید باقر انصاری
کیوں نہ اُگلیں میری نظمیں میرے اشعار لہُو کیوں نہ اُگلیں میری نظمیں میرے اشعار لہُو
روز ہوتے ہیں یہاں جو بھرے بازار لہُو
سوچتا ہوں کہ بھلا جُرم ہے کیا بچوں کا
جانے کیوں کرتے ہیں بچوں کا وہ ہر بار لہُو
اب گُلابوں کی بھی پہچان بھلا کون کرے
اب کے آتا ہے نظر سارا جو گُلزار لہُو
جانے کب امن کی اس ملک میں آۓ گی فضا
جس کی گلیاں بھی لہُو ہیں در و دیوار لہُو
پہلے اخبار میں ہوتی تھی لہُو کی سرخی
اب اُگلتا ہے یہاں پورا ہی اخبار لہُو
میں جو مر جاؤں تو اوروں کے یہ کام آۓ گا
اپنے بستر پہ گیا چھوڑ یُوں بیمار لہُو
جانے کیوں کانپ اٹھا پِھر سرِمقتل قاتِل
تڑپا کل نوکِ سِناں پر جو وفادار لہُو
گندے نالے میں بہا دینا لہُو میرا کہیں
کیونکہ جچتا نہیں مقتل میں گنہگار لہُو
کربلا نے روایت ہے سکھائی ہم کو
ظُلم کے سامنے جھکتا نہیں خودار لہُو
اس لیۓ ماتمِ شبّیر کا قائل ہوں میں
دے گا محشر میں گواہی یہ عزادار لہُو
کوئی تو لے گا مرے قتل کا بدلہ بــــــــــاقرؔ
ہضم کر پائیں گے کب تک میرا غدار لہُو مرید باقر انصاری
بچھڑ کے مجھ سے تجھے بھی زوال ہو کچھ تو بچھڑ کے مجھ سے تجھے بھی زوال ہو کچھ تو
مری طرح ترا جینا محال ہو کچھ تو
مری طرح تو نہ روۓ وہ درد سے لیکن
میں چاہتا ہوں اُسے بھی ملال ہو کچھ تو
کسی کےعشق میں مَیں نےبھی جاں گنوائی ہے
وفا کے شہر میں میری مثال ہو کچھ تو
یہ سچ ہے عشق نہیں ذات و شکل کا مہتاج
مگر دکھاوے کو حسن و جمال ہو کچھ تو
تمام عمر اگر ہجر میں گزارنی ہے
ضروری ہے کہ مری جاں وصال ہو کچھ تو
فقیر آۓ ہیں مدت کے بعد میخانے
کچھ اور ہو نہ ہو لیکن دھمال ہو کچھ تو
میں چاہتا ہوں غریبی میں نام پیدا کروں
زمانہ چاہے مرے پاس مال ہو کچھ تو
مرے خدا مرے قاتل کو حادثوں سے بچا
کہ میری مرگ میں اُس کا کمال ہو کچھ تو
عدُو نہتا ہو بــــــــــــــــاقرؔ تو وار کیا کرنا
کرو یوں وار کہ پاس اُس کے ڈھال ہو کچھ تو
  مرید باقر انصاری
Famous Poets
Mirza Ghalib Mirza Ghalib
Allama Iqbal Allama Iqbal
Ahmed Faraz Ahmed Faraz
Amjad Islam Amjad Amjad Islam Amjad
Wasi Shah Wasi Shah
Parveen Shakir Parveen Shakir
Faiz Ahmed Faiz Faiz Ahmed Faiz
Munir Niazi Munir Niazi
Jaun Elia Jaun Elia
Gulzar Gulzar
Tahzeeb Hafi Tahzeeb Hafi
Ali Zaryoun Ali Zaryoun
View More Poets
Mirza Ghalib Poetry in Hindi Allama Iqbal Poetry One Line Poetry Heart Touching Poetry Deep Poetry in Urdu Broken Heart Poetry Poetry For Teachers in Urdu Shayari in Hindi Urdu Poetry Love Shayari in Hindi Sad Shayari in Hindi Romantic Shayari in Hindi Love Poetry Bhai Behan Shayari Hindi Sad Poetry Urdu Poetry Surah Yaseen Surah Mulk