بنگلہ دیش نے پاکستان آنے کی حامی بھرلی، سیریز کا شیڈول جاری

بنگلہ دیش کرکٹ بورڈ (بی سی بی )نے دورہ پاکستان  کی حامی بھرلی ہے  جس کے بعد سیریز کا شیڈول جاری کردیا گیا ہے۔

تفصیلات کے مطابق بنگلہ دیش کرکٹ بورڈ کے پاکستان کے دورے کی حامی بھرنے  بعد دونوں کرکٹ بورڈز کے درمیان سیریز کا شیڈول طے ہوگیا ہے۔

طے کردہ  شیڈول کے مطابق بنگلہ دیشی ٹیم دورہ کرنے  کے لیے دو ماہ میں تین مرتبہ پاکستان آئے گی۔

پہلے مرحلے میں تین ٹی ٹوئنٹی ہوں گے، دوسرے مرحلے میں واحد ٹیسٹ  میچ کھیلا جائے گا جبکہ تیسرے مرحلے میں بنگلہ دیشی ٹیم ایک ون ڈے  اور ایک ٹیسٹ  میچ کھیلے گی۔

پہلے مرحلے  میں بنگلہ دیش کرکٹ ٹیم 24 سے 27 جنوری تک لاہور میں تین ٹی ٹوئنٹی میچز کھیلے گی۔

دوسرے مرحلے میں پاکستان اور بنگلہ دیش  کے درمیان 7 سے11 فروری تک راولپنڈی میں ایک ٹیسٹ میچ کھیلا جائے گا۔

تیسرا مرحلہ پاکستان سپر لیگ (پی ایس ایل) کے بعد  ہوگا۔

تیسرے مرحلے میں پاکستان سپرلیگ کے بعد بنگلہ دیش ٹیم کراچی میں ایک ون ڈے اور ایک ٹیسٹ  میچ کھیلنے آئے گی۔

پی سی بی کے چیف فنانشل آفیسر مستعفیواحد ون ڈے انٹرنیشنل میچ 3 اپریل کو جبکہ سیریز کا دوسرا ٹیسٹ میچ 5 سے 9 اپریل تک کھیلا جائے گا ۔

اس پیشرفت کے حوالے سے چیئرمین پی سی بی احسان مانی کا کہنا ہے کہ ہم اس ضمن میں صدر آئی سی سی ششانک منوہر کی معاونت کے مشکور ہیں۔

چیف ایگزیکٹو وسیم خان نے کہا کہ نئے شیڈول کی تیاری دونوں بورڈز کی جیت ہے۔بنگلہ دیش کرکٹ ٹیم تین مرتبہ پاکستان آئے گی ، جو ہمارے پرامن ہونے کا ثبوت ہے۔

واضح رہے کہ اس سے قبل بنگلہ دیش کرکٹ بورڈ  سیکیورٹی وجوہات کا بہانہ بناکر دورہ پاکستان کے لیے ٹال مٹول سے کام لے رہا تھا ۔

یاد رہے کہ گذشتہ ماہ دس برس بعد پاکستانی سرزمین پر ٹیسٹ کرکٹ کامیابی سے بحال ہوئی ہے اور اب رواں برس مکمل پی ایس ایل کے پاکستان میں انعقاد کا اعلان اس بات کا ثبوت ہے کہ پاکستان کے سیکورٹی حالات کھیلوں کے لیے سازگار ہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.