پی ڈی ایم کی جانب سے جان بوجھ کر ہر روز افراتفری کی باتیں کی جاتی ہیں ، میر ضیاء اللہ لانگو

image

وزیر داخلہ بلوچستان میر ضیاء اللہ لانگو نے کہا ہے کہ پی ڈی ایم کی جانب سے جان بوجھ کر ہر روز افراتفری کی باتیں کی جاتی ہیں۔

تفصیلات کے مطابق وزیر داخلہ بلوچستان میر ضیاء اللہ لانگو نے میڈیا سے گفتگو کرتے ہوئے کہا ہے کہ پی ڈی ایم ایک منظم مافیا ہے جو بلوچستان میں صوبائی حکومت کے خلاف منفی تاثر کو فروغ دے رہا ہے۔

انہوں نے کہا کہ یہ وہی عناصر ہیں جو گزشتہ دہائیوں سے اپنے مذموم مقاصد حاصل کرنے کے لیے عوام کو گمراہ کر رہے ہیں تاکہ جو مثبت انتظامی تبدیلیاں ہم لے کر آ رہے ہیں ان کو ناکام بنایا جائے ، میں واضح کر دینا چاہتا ہوں کہ ہم پی ڈی ایم کے ہرگز دباؤ میں نہیں آئیں گے۔

وزیر داخلہ بلوچستان میر ضیاء اللہ لانگو نے کہا کہ ہم نے ہمیشہ چیلنجز کا سامنا کیا ہے اور آئندہ بھی کریں گے ، ہمیں پتہ ہے کہ سازش کون کر رہا ہے اور اس کے پیچھے کون ہے ، گھر کے اختلافات گھر میں رکھے جاتے ہیں۔

Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.