پیپلزپارٹی کے چیئرمین آج کارساز یوم شہادت کے سلسلے میں جلسہ عام سے خطاب کریں گے

image

پاکستان پیپلزپارٹی کے چیئرمین بلاول بھٹو زرداری آج کارساز سانحے کے 14ویں یوم شہادت کے سلسلے میں جلسہ عام سے خطاب کریں گے۔

تفصیلات کے مطابق پاکستان پیپلزپارٹی کے تحت جلسہ عام آج باغ جناح کراچی میں ہوگا، جلسے کا آغاز شام ساڑھے 4 بجے سے ہوگا۔

ذرائع کے مطابق پاکستان پیپلزپارٹی کے چیئرمین بلاول بھٹو زرداری آج جلسہ عام میں اہم اعلانات بھی کریں گے۔

واضح رہے کہ ربیع الاول کی مناسبت سے جلسہ عام 18 اکتوبر کے بجائے 17 اکتوبر کو منعقد کیا جارہا ہے۔

خیال رہے کہ شہید محترمہ بے نظیر بھٹو کی آمد پر اکتوبر 2007 میں کارساز کے مقام پر دو بم حملوں میں 177 کارکنان  شہید جبکہ 630 سے زائد زخمی ہوئے۔

چیئرمین بلاول بھٹو زرداری نے کہا کہ پیپلزپارٹی ملک اور جمہوریت کے لئے قربانی دینے والے تمام شہداء کی وارث ہے، شہدائے کارساز کو سرخ سلام پیش کرتے ہیں۔

پاکستان پیپلزپارٹی کے چیئرمین بلاول بھٹو زرداری نے مزید کہا کہ جیالے ملک میں کٹھ پتلی تماشے کا خاتمہ کر کے دم لیں گے۔

Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.