بھارتی ٹیم اعجاز پٹیل کی غیرمعمولی بالنگ کے آگے ڈھیر

image
ممبئی: نیوزی لینڈ کے بالر اعجاز پٹیل نے بھارت کے خلاف ایک اننگ میں 10 وکٹیں حاصل کرلی ہیں جس کے بعد وہ ایک اننگ میں 10 وکٹیں لینے والے تیسرے بولر بن گئے ہیں۔

ممبئی میں پیدا ہونے والے اعجاز پٹیل نے دوسرے ٹیسٹ میچ میں نیوزی لینڈ کی جانب سے کھیلتے ہوئے بھارت کی 10 وکٹیں اڑا دی ہیں جس کے بعد وہ ایک اننگ میں 10 وکٹیں لینے والے تیسرے بالر بن گئے ہیں۔

🔹 Jim Laker

🔹 Anil Kumble

🔹 Ajaz Patel

Remember the names! #WTC23 | #INDvNZ | https://t.co/EdvFj8yST5 pic.twitter.com/xDVImIifM6

— ICC (@ICC) December 4, 2021

اعجاز پٹیل نے 119 دے کر 10 کھلاڑیوں کو آؤٹ کیا ہے جبکہ بھارت کی پوری ٹیم اپنی پہلی اننگ میں 325 رنز بناکر آؤٹ ہوئی ہے، بھارت کی جانب سے ماینک اگروال 150 رنز اور اکسر پٹیل 52 رنز بناکر نمایاں رہے ہیں۔

10 wickets in an innings

well done Ajaz Patel#AjazPatel pic.twitter.com/XTVmTi6btk

— Captain Jack Sparrow (@Captainjack567) December 4, 2021

واضح رہے کہ اس سے قبل سن 1956 میں انگلینڈ کے جم لیکر نے آسٹریلیا کے خلاف ایک اننگ میں 10 وکٹیں حاصل کی تھیں جبکہ بھارت کے انیل کمبلے بھی ایک اننگ میں 10 وکٹیں حاصل کرچکے ہیں، انیل کمبلے نے 1999 میں پاکستان کے خلاف میچ میں 10 وکٹیں حاصل کی تھیں۔

یہ بھی پڑھیں: بھارت اور نیوزی لینڈ کے درمیان ٹیسٹ سنسنی خیز لمحات میں داخل ہونے کے بعد ڈرا ہوگیا

علاوہ ازیں پاکستان کی جانب سے سرفراز نواز نے 1979 میں آسٹریلیا کے خلاف 9 وکٹیں حاصل کی تھیں جبکہ پاکستان کی جانب سے عبدالقادر نے بھی 1987 میں انگلینڈ کے خلاف 9 وکٹیں حاصل کی تھی۔

یاد رہے کہ کرکٹ کی تاریخ میں سرفراز نواز اور عبدالقادر کے علاوہ مزید 15 بولرز بھی ایک اننگ میں 9 وکٹیں حاصل کرچکے ہیں۔

Square Adsence 300X250

News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.