آخری ون ڈے میں بھی  بھارت کو شکست ،جنوبی افریقہ کے ہاتھوں کلین سویپ

image

بھارت اور جنوبی افریقہ کے درمیان کھیلے جانے والے تیسرے اور آخری ون ڈے مچ میں جنوبی افریقہ نے سنسنی خیز مقابلے کے بعد بھارت کو 4 رنز سے شکست دے دی ہے۔

تفصیلات کے مطابق  سیریز کے آخری میچ میں بھارت نے ٹاس جیت کر پہلے جنوبی افریقہ کو بیٹنگ کی دعوت دی۔

جنوبی افریقہ  کی ٹیم  پہلے بیٹنگ کرتے ہوئے  49.5 اوورز میں 287 رنز بنا کر آل آؤٹ ہو گئی اور بھارت کو جیت کے لئے 258 رنز کا ہدف دیا۔

جنوبی افریقہ کی جانب سے ڈی کاک نے 124 رنز کی شاندار اننگ کھیلی ان کی اننگ میں 2 چھکے اور 12 چوکے شامل تھے،وین ڈر دوسن 52،  ڈیوڈ ملر 39 جبکہ کپتان ٹیمبا بوواما صرف 8 رنز بنا سکے۔

بھارت کی جانب سے  پراسدھ کرشنا نے 3 وکٹیں حاصل کیں ، ڈیپک چاہر اور جسپرت بمراہ نے 2،2 کھلاڑیوں کو آؤٹ کیا جبکہ چاہل نے 1 شکار کیا۔

ہدف کا تعاقب کرتے ہوئے بھارتی ٹیم  آخری اوور میں ہمت ہار گئی اور پوری ٹیم 283 رنز بنا کر آؤٹ ہو گئی۔

بھارت کی جانب سے ویرات کوہلی نے 65 رنز بنائے،شیکھر دھون 61،ڈیپک چاہر 54،سوریا کمار یادو 39، جبکہ کپتان کے ایل راہول صرف 9 رنز بنا سکے۔

جنوبی افریقہ کی جانب سے لنگی نگیدی اور پھیلکوایو نے 3،3 شکار کیے،ڈیون پریٹوریس نے 2 کھلاڑیوں کو پویلین کی راہ دکھائی جبکہ  سیساندا مگالا اور کیشف مہراج نے 1،1 وکٹ حاصل کی۔

جنوبی افریقی اوپنر ڈی کاک کو 124 رنز کی شاندار اننگ کھیلنے پر مین آف دی میچ کا ایوارڈ دیا گیا۔

Square Adsence 300X250


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.