حکومتی اقدام سے اسمگلنگ و ہنڈی میں اضافہ ہوگا، تاجر متاثر ہوگا، ڈالر اب نہیں رکے گا: حماد اظہر

image

اسلام آباد: پاکستان تحریک انصاف سے تعلق رکھنے والے سابق وفاقی وزیر برائے توانائی حماد اظہر نے حکومتی فیصلے پر کڑی نکتہ چینی کرتے ہوئے کہا ہے کہ دو طرفہ تجارت پہ منفی اثرات پڑیں گے، حکومتی اقدامات سے لاکھوں تاجر و دکاندار متاثر ہوں گے، اسمگلنگ و ہنڈی میں اضافہ ہو گا اور مارکیٹ میں افراتفری پھیلے گی۔

ہم نیوز کے مطابق سابق وفاقی وزیر خزانہ حماد اظہر نے استفسار کیا کہ حکومت یہ بتائے کہ جن چیزوں کی درآمد پر پابندی لگائی ہے ان کا امپورٹ بل میں کتنے فیصد حصہ ہے؟ انہوں نے کہا کہ جتنی اشیا پر پابندی لگائی گئی ہے، ان کی سفارشات ہمارے پاس بھی آتی تھیں۔

سابق وفاقی وزیر حماداظہرنے خبردار کرتے ہوئے کہا کہ ڈالر اب نہیں رکے گا اور حکومت کی جانب سے عائد کردہ پابندی سے 6 ارب ڈالرز کی بچت بھی نہیں ہو گی۔

انہوں ںے کہا کہ اس وقت لوگوں میں ابہام ہے کہ آپ کا آئی ایم ایف کے ساتھ معاہدہ ہورہا ہے یا نہیں ہو رہا ہے؟  ڈیزل کی قیمت بڑھ رہی ہے یا نہیں؟ لوگ کنفیوژڈ ہیں کہ اسحاق ڈار لندن میں بیٹھ کر معیشت چلا رہے ہیں یا مفتاح اسماعیل ذمہ دار ہیں؟

ہم نیوز کے مطابق پی ٹی آئی کے مرکزی رہنما حماد اظہر نے کہا کہ موجودہ حکومت نے جو بے روزگاری اور غربت کا ڈیٹا دیا اس کی کوئی ضرورت نہیں تھی، ان کے اعداد و شمار آپس میں نہیں مل رہے ہیں۔


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.