تحریک انصاف کو لانگ مارچ کے نام پر فتنہ فساد پھیلانے کی اجازت نہیں، حکومت کا اعلان

image
پاکستان کے وزیر داخلہ رانا ثنا اللہ نے کہا ہے کہ کابینہ نے فیصلہ کیا ہے کہ تحریک انصاف کو لانگ مارچ کے نام پر فتنہ فساد پھیلانے کی اجازت نہیں دی جائے گی۔

منگل کو اسلام آباد میں وفاقی وزرا اور اتحادی جماعتوں کے رہنماؤں کے ہمراہ پریس کانفرنس میں وزیر داخلہ کا کہنا تھا کہ حکومت نے پی ٹی آئی کے مارچ کو روکنے کا فیصلہ کیا گیا ہے۔

انہوں نے کہا کہ یہ گالیوں سے گولیوں پر آ گئے ہیں۔

ان کا کہنا تھا کہ ’یہ کوئی جمہوری مارچ نہیِں، یہ ایک فتنہ اور فساد مارچ ہے جو قوم کو تقسیم کرنے اور انتشار پھیلانے کے لیے کیا جا رہا ہے۔‘

’اسی بیانیے کے ساتھ یہ ٹولہ پورے ملک میں گھومتا رہا ہے۔ ان کی گفتگو ریکارڈ پر ہے جس میں کہا گیا کہ یہ خونی مارچ ہوگا۔ کہا گیا کہ حکومت کو زبردستی اٹھا کر باہر پھینک دیں گے۔ اس صورتحال کو دیکھتے ہوئے ان کو مارچ کے نام پر فتنے کی اجازت نہیں دیں گے۔‘

رانا ثنا اللہ نے کہا کہ’ یہ وفاق پر حملہ آور ہونے آ رہے ہیں۔‘

’ایسا جتھہ جس کی کوئی آئینی و قانونی حیثیت نہ ہو اسے کسی قیمت پر اس کی اجازت نہیں دی جا سکتی۔ تمام لوگوں کو خبردار کرتا ہوں کہ عمران خان کی پھیلائی گمراہی سے باہر نکلیں۔‘

وزیر داخلہ نے کہا کہ یہ صرف اتحادی حکومت نہیں بلکہ پوری قوم کا مسئلہ ہے۔

’جمہوری اور پُرامن احتجاج ہر کسی کا حق ہے۔ اسلام آباد کے شہریوں کے جان ومال کا تحفظ ہماری ذمہ داری ہے اور اس کو نبھائیں گے۔‘

رانا ثنا اللہ نے کہا کہ لانگ مارچ کی اجازت نہ دینے کے فیصلے کے پیچھے عمران خان کے ماضی کا کردار ہے جو سنہ 2014 کے دھرنے میں رہا۔

رانا ثنا اللہ نے کہا کہ پی ٹی آئی والے وفاق پر حملہ آور ہونے آ رہے ہیں۔ فائل فوٹو: اے ایف پی

وزیراعظم کے معاون خصوصی برائے امور کشمیر قمر زمان کائرہ نے کہا کہ صدر موجودہ حکومت کے اپوزیشن لیڈر کے طور پر کھڑے ہو گئے ہیں اور موجودہ تعطل کے ذمہ دار ہیں۔ ’ہم ان کی مذمت کرتے ہیں اور وہ عمران خان کے جیالے کے طور پر کام کر رہے ہیں۔‘


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.