پہلا ٹی20: سری لنکا کو 6 وکٹوں سے شکست

image

پاکستان کی وومن کرکٹ ٹیم نے سری لنکا کی وومن کرکٹ ٹیم کو پہلے ٹی20 میچ میں 6 وکٹوں سے شکست دے دی۔

دورہ پاکستان پر موجود سری لنکن وومن کرکٹ ٹیم نے ساؤتھ اینڈ کرکٹ سٹیڈیم میں پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 106 رنز بنائے۔

جواب میں پاکستان کی وومن کرکٹ ٹیم نے مطلوبہ ہدف 19 ویں اوور میں 4 بیٹرز کے آؤٹ ہونے پر حاصل کرلیا۔

پاکستان کی جانب سے ندا ڈار نے سب سے زیادہ 36 رنز بنائے، بدمہ معروف نے 28 جبکہ ارم جاوید اور منیبہ علی نے 18، 18 رنز کی اننگز کھیلی۔

سری لنکا کی جانب سے اوشادی رانا سنگھے نے دو جبکہ کویشا دلہاری اور سگاندیکا کماری نے ایک ایک بیٹر کو پویلین کی راہ دکھائی۔

اس سے قبل سری لنکا کی جانب سے ہارشیتھا مداوی اور نیلاکشی ڈی سلوا نے 25، 25 رنز بنائے۔ 

پاکستان کی طوبیٰ حسن نے اپنے ڈیبیو میچ میں شاندار بولنگ کا مظاہرہ کرتے ہوئے چار اوورز میں 8 رنز کے عوض 3 کھلاڑیوں کو آؤٹ کیا۔

انعم امین نے چار اوورز میں 21 رنز دے کر 3 جبکہ ایمن انور نے چار اوورز میں 32 رنز دے کر دو کھلاڑیوں کو آؤٹ کیا۔


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.