یوم آزادی:بابر اعظم، ارشد ندیم اور نوح دستگیر سمیت کھلاڑیوں کے لیے سول ایوارڈز کا اعلان

image

یوم آزادی کے موقع پر کھلاڑیوں کے لیے سول ایوارڈز کا اعلان کر دیا گیا۔

حکومت پاکستان کی جانب سے جاری کردہ فہرست کے مطابق یوم آزادی پر جن افراد کو مختلف سول ایوارڈز کیلئے نامزد کیا گیا ہے ان میں  کھیلوں  سے وابستہ شخصیات بھی ہیں۔

حکومت پاکستان نےاسکوائش کے عظیم کھلاڑی جہانگیر خان کے لیے نشان امتیاز کا اعلان کر دیا۔ قومی کر کٹ ٹیم کےکپتان بابر اعظم کے لیے ستارہ امتیاز کا اعلان کیا گیا ہے۔

کامن ویتلھ گیمز میں گولڈ میڈل حاصل کرنے والے ایتھلیٹ  ارشد ندیم اور نوح دستگیر بٹ صدارتی ایوارڈ برائے حسن کارکرگی کیلئے نامزد ہوئے ہیں۔

کبڈی فیڈریشن کے سربراہ چوہدری شافع  کو ستارہ امتیاز دیا جائے گا۔ کبڈی کے کھلاڑی شفیق چشتی کیلئے تمغہ امتیاز کا اعلان کیا گیا ہے۔

پاکستان ویمن کرکٹ ٹیم کی کپتان بسمعہ معروف  کو تمغہ امتیاز سے نوازا جائے گا۔

کوہ پیما سرباز علی، کوہ پیما لٹل کریم، اسنوکر پلیئر احسن رمضان، کراٹیکا شاہدہ ، اسکیئنگ کی کھلاڑی آمنہ والی، بلائنڈ کرکٹ ٹیم کے مسعود جان، مارشل آرٹس میں عرفان محسود کو بھی پرائیڈ آف پرفارمنس ملے گا۔

ان کھلاڑیوں کو ایوارڈز سے نوازنے کی باضابطہ تقریب 23 مارچ 2023 کو منعقد کی جائے گی۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.