روس پر اولمپکس سمیت تمام عالمی مقابلوں میں شرکت پر پابندی عائد

نئی دہلی: عالمی اینٹی ڈوپنگ ایجنسی (واڈا) نے روس پر 2020 ٹوکیو اولمپکس اور 2022 بیجنگ سرمائی اولمپکس سمیت کھیل کے تمام عالمی مقابلوں پر چار سال کی پابندی عائد کر دی ہے۔ 

غیر ملکی خبر رساں ادارے کے مطابق واڈا کی ایگزیکٹو کمیٹی نے روس کی جانب سے اپنے کھلاڑیوں کے ڈوپنگ ٹیسٹوں سے متعلق اعداد و شمار تبدیل کرنے اور تلف کرنے پر یہ سزا سنائی ہے۔

واڈا کی کمیٹی نے روسی اقدامات کو عدم تعمیل کا انتہائی سنگین معاملہ قرار دیا اور اعداد و شمار میں جعل سازی اور تلفی کے سینکڑوں واقعات کا حوالہ دیا ہے۔

روس نے حالیہ اولیمپکس کے دوران عالمی کھیلوں میں خود کو ایک طاقت ور ملک کے طور پر پیش کیا تاہم 2015 میں واڈا کی ایک رپورٹ میں روسی ایتھلیٹکس کے حوالے بڑے پیمانے پر ڈوپنگ کے ثبوت ملے تھے۔

یاد رہے 2014 میں سرکاری سرپرستی میں ڈوپنگ کا الزام سامنے آنے کے بعد انٹرنیشنل اولمپک کمیٹی نے تحقیقات کا آغاز کیا تھا، بعدازاں 17 ماہ کی تحقیقات مکمل ہونے پر اولمپک کمیٹی نے روس پر ونٹر اولمپکس 2018 میں شرکت پر بھی پابندی عائد کردی تھی۔

اولمپکس کی تاریخ میں پہلی بار کسی بھی ملک کو ڈوپنگ اسکینڈل پر ایسی سزا دی گئی ہے، جس سے سوویت یونین دور کے بعد روس کو اسپورٹس کے میدان میں تاریخی بحران کا سامنا ہے۔

دوسری جانب کچھ روسی عہدیداروں نے پابندیوں کو غیر منصفانہ قرار دیا ہے اور اس کا ذمہ دار مغربی ممالک کی سازش کو قرار دیا ہے۔

واڈا نے کہا ہے کہ اگر روسڈا نے  ایگزیکٹو کمیٹی کی منظور شدہ پابندیوں کے خلاف اپیل کی تو اس معاملے کو کھیلوں کی عدالت (سی اے ایس) کے پاس بھیج دیا جائے گا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.