بل گیٹس کی عالمی وبا سے متعلق ایک اور بڑی پیشگوئی

عالمی وبا کورونا وائرس کا کب تک خاتمہ ہو گا اس کے بارے  میں کوئی بھی حتمی فیصلہ نہیں کیا جا سکتا تاہم مائیکرو سافٹ کے بانی بل گیٹس نے اس حوالے سے نئی پیشگوئی کی ہے۔

بین الاقوامی ذرائع ابلاغ کے مطابق ایک حالیہ انٹرویو میں مائیکروسوفٹ کمپنی کے بانی بل گیٹس نے کہا کہ اگلے 4 سے 6 ماہ وبا کے بدترین ثابت ہوسکتے ہیں۔

انہوں نے خبردار کیا ہے کہ آئندہ 4 سے 6 ماہ دنیا کورونا وائرس کی وبا سے شدید متاثر ہونے والی ہے۔

یہ پیشگوئی بل گیٹس کی جانب سے ایک ایسے وقت میں سامنے آئی ہے کہ جب کورونا کی روک تھام کے لیے ویکسین تیار کر لی گئی ہے اور دنیا کے بیشتر ممالک میں اس کا استعمال بھی شروع کیا جاچکا ہے۔

 انہوں نے کہا کہ انسٹیٹوٹ فار ہیلتھ میٹرکس اینڈ ایولوشن نے 2 لاکھ اضافی اموات کی پیشگوئی کی ہے۔

مائیکرو سافٹ کے بانی نے خبردار کیا کہ موسم سرما کے مہینے بدترین ثابت ہوسکتے ہیں اور اس کے بعد حالات میں تبدیلی آسکتی ہے اور 2021 کے اختتام تک ہی حالات ماضی کی طرح معمول پر آسکیں گے۔

بل گیٹس نے یہ بھی کہا کہ دنیا کے ہر کونے سے وائرس کے خاتمے کے بعد ہی وبا کا خاتمہ ممکن ہوسکے گا، تو حالات 2022 کی پہلی ششماہی سے قبل معمول پر نہیں آسکیں گے۔

ساتھ ہی انہوں نے یہ بھی کہا کہ اگر ہم اصولوں پر عمل کریں یعنی فیس ماسک پہنیں اور سماجی دوری کے اقدامات پر عمل کریں تو متعدد اموات کی روک تھام کی جاسکتی ہے۔

متعلقہ خبربل گیٹس کی لاک ڈاؤن سے متعلق بڑی پیشگوئی

عالمی وبا کورونا وائرس کا کب تک خاتمہ ہو گا اس کے...

-->

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

145