این اے 249 میں دوبارہ گنتی کے فیصلے پر بلاول بھٹو کا ردعمل آ گیا

کراچی میں قومی اسمبلی کے حلقے این اے 249 میں دوبارہ گنتی کے فیصلے پر پاکستان پیپلز پارٹی کے چیئرمین بلاول بھٹو زرداری کا ردعمل آ گیا۔

چیئرمین بلاول بھٹو زرداری نے ٹویٹ پیغام میں کہا ہے کہ کسی پولنگ اسٹیشنزسے باضابطہ شکایات نہ آنے کے باوجود دوبارہ گنتی کا فیصلہ دیا گیا، پیپلزپارٹی اس نئی روایت کے تحت دوبارہ گنتی کے فیصلے کا خیرمقدم کرتی ہے۔

انہوں نے کہا کہ 2018 کے انتخابات میں 5 فیصد سے کم مارجن سے ہارنے والوں کو چانس نہیں دیا گیا، پیپلزپارٹی ایسے تمام امیدواروں کے کیسز ای سی پی لیکر جانے کا سوچ سکتی ہے۔

ان کا کہنا تھا کہ 5 فیصد سےکم مارجن سے ہارنے والے تمام امیدواروں کو چانس دیا جائے۔

PPP welcomes new precedent set by allowing consistency wide recount without specific ps complaints. Many seats from 2018 fall within 5% threshold & candidates have not been given this chance. Once ECP order is out PPP will consider going to ECP for recounts in all such seats.

— BilawalBhuttoZardari (@BBhuttoZardari)

واضح رہے کہ حلقہ این اے 249 سے پیپلز پارٹی کے امیدوار قادر مندوخیل کامیاب ہوئے تھے، تاہم ن لیگ کی درخواست پر الیکشن کمیشن نے دوبارہ گنتی کا حکم دیا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

88