کرونا کیسز: اسلام آباد میں مزید 9 تعلیمی ادارے بند

image

وفاقی دارالحکومت اسلام آباد میں کرونا کیسز کی تشخیص پر 9 تعلیمی اداروں کو سیل کردیا گیا۔ ڈی ایچ او کا کہنا ہے کہ 4 روز میں 19 اداروں میں 49 کیسز رپورٹ ہوچکے ہیں۔

ڈی ایچ او اسلام آباد کی جانب سے جاری اعلامیے کے مطابق 9 سرکاری تعلیمی اداروں میں کرونا کے 21 کیسز رپورٹ ہوئے ہیں، جس کے بعد انہیں بند کرنے کا فیصلہ کیا گیا ہے۔

انہوں نے کہا ہے کرونا کیسز رپورٹ ہونیوالے تعلیمی اداروں کو فوری بند کیا جائے۔ اپنے مراسلے میں ڈی ایچ او اسلام آباد کا کہنا ہے کہ متعلقہ تعلیمی اداروں کو آئندہ احکامات تک بند رکھا جائے۔

ڈسٹرکٹ ہیلتھ آفیسر کے مطابق اسلام آباد میں 4 روز کے دوران 19 سرکاری تعلیمی اداروں میں کرونا وائرس کے 49 کیسز رپورٹ ہوئے ہیں۔

اس سے قبل آزاد کشمیر کے شہر میرپور میں بھی کرونا وائرس کے مثبت کیسز رپورٹ ہونے کے بعد 7 تعلیمی ادارے بند کئے جاچکے ہیں۔

واضح رہے کہ نیشل کمانڈ اینڈ آپریشن سینٹر (این سی او سی) نے 10 فیصد یا اس سے زائد کیسز کی شرح والے علاقوں میں نئے ایس او پیز لاگو کرنے کا فیصلہ کیا ہے۔ رپورٹس کے مطابق تعلیمی اداروں سے متعلق فیصلہ کرونا کیسز کی شرح کو مدنظر رکھ کر کیا جائے گا۔


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.