’جوابی بوسہ‘، کوبرا نے چومنے والے کو ہونٹ پر ڈس لیا

image

انڈیا میں ایک شخص کی ویڈیو سامنے آئی ہے جس میں وہ ہاتھ میں پکڑے زہریلے کوبرا سانپ کو چومنے کی کوشش کر رہا ہے جبکہ اس دوران سانپ اس کے ہونٹ پر ڈس لیتا ہے۔

انڈیا ڈاٹ کام کے مطابق ریاست کرناٹک کے ضلع شیواموگا کے علاقے بوماناٹکے میں ایک شخص کے گھر میں نکلنے والے سانپ کو ایک مقامی شخص نے پکڑ لیا، اس دوران کچھ لوگوں نے اس کی ویڈیو بنانا شروع کی۔

ویڈیو میں دیکھا جا سکتا ہے کہ جب وہ شخص سانپ کے پھیلے پھن کو چومنے کی کوشش کرتا ہے تو وہ یکدم اس کو ہونٹ پر کاٹ لیتا ہے جس پر وہ گھبرا کر سانپ کو پھینک دیتا ہے اور اس کو لوگ پکڑنے کی کوشش کرتے ہیں۔

سانپ کا نشانہ بننے والے شخص کے بارے میں بتایا گیا ہے کہ اس کو بچا لیا گیا ہے۔

ٹوئٹر صارف اے ایچ صدیق نے واقعے کی ویڈیو شیئر کرتے ہوئے لکھا کہ ’رینگنے والے جانوروں کے ایک ماہر نے علاقے سے پکڑے جانے والے کوبرا کو چومنے کی کوشش کی جس نے اس کو ہونٹ پر کاٹ لیا۔‘

دیکھتے ہی دیکھتے یہ ویڈیو وائرل ہو گئی جس پر مختلف لوگ کمنٹس کر رہے ہیں جبکہ اس سے مزاح کشید کرنے والے بھی سامنے آئے۔

ایک صارف نے لکھا کہ ’ایک بہت ہی مناسب جوابی بوسہ، کبھی جنگلی جانوروں کے ساتھ کھیلنے کی کوشش مت کریں۔‘

اسی طرح ایک صارف اس امر پر خوشی کا اظہار کرتے دیکھے کہ نشانہ بننے والے شخص کو بچا لیا گیا ہے.


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.