پرل ہاربرفوجی اڈےپرفائرنگ ،دوافرادہلاک

امریکی ریاست ہوائی میں واقع مشہوربحری فوجی اڈے پرل ہاربرپرفائرنگ سے 2 افراد ہلاک اورایک زخمی ہوگیا۔

غیر  ملکی خبررساں  ادارے کےمطابق پرل ہاربرپرنیوی کےاہلکارنےاچانک امریکی محکمہ دفاع کےسویلین ملازمین پرفائرنگ شروع  کردی  جس کے بعد اہلکارنےفائرنگ کے بعد خود بھی خودکشی کرلی۔

حکام کے مطابق فوری طورپرحملے کے محرکات سامنے نہیں آئے اور واقعے کی وجوہات جاننے کےلیے تحقیقات شروع کردی گئی ہیں۔ واقعے کے بعد پرل ہاربرپرسیکیورٹی سخت کرتے ہوئےاسےکچھ دیرکےلیےبند کردیا گیا۔

واقعےسےمتعلق عینی شاہد نےمقامی میڈیا کوبتایا کہ وہ کمپیوٹر پر بیٹھے تھے کہ جب انہوں نے فائرنگ کی آواز سنی اور 3 افراد کو زمین پر گرے ہوئے دیکھا۔

مقامی نیوزچینل کےمطابق فائرنگ کے واقعے میں متاثر ہونے والوں میں کئی شہری شامل ہیں۔

واضح رہے کہ گزشتہ ایک برس میں امریکا کی مختلف ریاستوں میں فائرنگ کے واقعات میں اضافہ دیکھا گیا ہے۔

جب فائرنگ کا واقعہ پیش آیا بھارتی فضائیہ کےسربراہ ’آر کے ایس بھدوریہ‘ اور چند بھارتی اہلکار بھی پرل ہاربر کے فوجی اڈے پر موجود تھےتاہم وہ سب محفوظ رہے۔

 بھارتی ائرچیف پیسیفیک ائرفورس چیفس کانفرنس میں شرکت کے لیے ہوائی میں موجودہیں اور علاقائی  سیکیورٹی امور پر بات چیت کےلیے پرل ہاربر کا دورہ کررہے تھے۔

واضح رہے کہ پرل ہاربر  کے   فوجی اڈہ  پر 7 دسمبر 1941 کو جاپانی فضائیہ نے اچانک حملہ کردیا  تھا جس سے 8 امریکی بحری جہاز اور 188 طیارے مکمل طور پر تباہ ہو گئے تھے اور 9 بحری جہازوں کو شدید نقصان پہنچا تھا، جبکہ 2403 امریکی فوجی اور 68 شہری ہلاک ہوئے تھے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.