خاتون اؤل بشریٰ بی بی کا داتا دربار کا دورہ

لاہور: داتا دربار میں قائم پناہ گاہ کا دورہ

وزیراعظم عمران خان کی اہلیہ اور خاتون اؤل بشریٰ بی بی نے یکم مارچ بروز پیر داتا دربار میں بنائی گئی پناہ گاہ کا دورہ کيا اور وہاں انتظامات کا جائزہ لیا۔

اس موقع پر انہوں نے پناہ گاہ ميں مقيم افراد سے سہولتوں کے بارے ميں دريافت کيا اور اُن کے مسائل پوچھے۔ خاتون اول نے کھانے کے ميعار کو بھی جانچا۔

پناہ گاہ انتظاميہ کے مطابق خاتون اؤل نے مسافر خاتون کے پولیو کے مرض میں مبتلا بچے کےعلاج کی بھی یقین دہانی کروائی، جب کہ ايک خاتون نے اپنے بچے کی تلاش کيلئے بشریٰ بی بی سے اپیل کی۔

خاتون اول کی سہیلی فرح خان بھی ان کے ہمراہ تھیں۔ دورے کے موقع پر سیکیورٹی کے سخت انتظامات کيے گئے تھے۔