امریکی بحری جہاز کوروسی سمندری حدود میں داخل ہونے سے روک دیا گیا

image

امریکی بحری جہاز کوروسی سمندری حدود میں داخل ہونے سے روک دیا گیا ہے۔

تفصیلات کے مطابق روسی پیسیفک فلیٹ کے سب سے بڑے اینٹی سب میرین جنگی جہاز ایڈمرل ٹرائبٹس نے امریکی گائیڈڈ میزائل تباہ کرنے والے جنگی بحری جہاز کی جانب سے جاپان کے سمندر میں روس کی قومی سرحد کی خلاف ورزی کی کوشش کو ناکام بنا دیا۔

  روسی وزارت دفاع نے بتایا کہ ایک روسی فوجی جہاز نے امریکی بحری بیڑے کی سمندری حدود کی مبینہ خلاف ورزی کی کوشش کو ناکام بنا دیا۔

 بیان میں کہا گیا ہے کہ امریکی جنگی بیڑے ’یو ایس ایس چافی‘ نے جاپان کے سمندر میں روسی علاقائی پانی کی خلاف ورزی کی کوشش کی تاہم اس کوشش کو ناکام بنا دیا گیا۔

روسی وزارت دفاع نے واقعے کے بعد امریکی فوجی اتاشی کو طلب کر کے انہیں اس حوالے سے روس کی تشویش سے آگاہ کیا۔

روسی صدر کے صدارتی محل کریملن نے مزید کہا کہ روسی وزارت دفاع نے امریکی سفارتکارکو طلب کرکے امریکی بیڑے کی جانب سے سمندری حدود کی خلاف ورزی کے واقعے کی مذمت کی۔

 روسی وزارت دفاع نے انکشاف کیا ہے کہ یہ حادثہ بحیرہ جاپان میں روسی چینی بحری مشقوں کے دوران پیش آیا۔

 روسی بحری جہاز کے عملے ایڈمرل ٹرائبٹس نے ایک بین الاقوامی مواصلاتی چینل پر امریکی بیڑے کے حکام کو خبردار کیا کہ اس طرح کی حرکتیں مناسب نہیں کیونکہ امریکی بیڑہ نیوی گیشن کے لیے ممنوعہ علاقے میں داخل ہوچکا ہے۔

روس کے اعلیٰ عہدیداروں نے امریکی گائیڈڈ میزائل تباہ کرنے والے بحری جنگی جہاز کے عملے کے اقدامات کو سمندر میں تصادم کی روک تھام کے بین الاقوامی قواعد کی سنگین خلاف ورزی اور 1972 کے روس اور امریکہ کے بین الحکومتی معاہدے کو سمندر اور فضائی حدود میں ہونے والے واقعات کی خلاف ورزی قرار دیا ہے.

 روسی حکام نے مزید کہا کہ پیسیفک فلیٹ کا سب سے بڑا اینٹی سب میرین بحری جنگی جہاز ایڈمرل ٹریبٹس بحیرہ جاپان میں اپنی ذمہ داریاں پوری کر رہا ہے۔

Adsence 300X250


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.