کرپٹو ڈاٹ کام نے تین کروڑ ڈالر چوری ہونے کا اعتراف کرلیا

image

کرپٹو کرنسی لین دین کی ممتاز اور غالباً سب سے بڑی ویب سائٹ کرپٹو ڈاٹ کام نے اپنے تازہ بلاگ میں اعتراف کیا ہے کہ سال 2021 میں ہیکروں کے حملے میں چوری شدہ کرپٹو کرنسی کی مالیت 30 کروڑ ڈالر تک ہے۔

کمپنی کے مطابق ہیکروں نے 4836 ای ٹی ایچ (ایتھریئم) اور 443 بٹ کوائن صاف کئے ہیں۔ لیکن اسی پر بس نہیں کیونکہ ہیکروں نے چھوٹی موٹی نقب زنی میں کمپنی سے مزید 66 ہزار ڈالر بھی چرائے ہیں۔ کمپنی کے مطابق لگ بھگ 483 صارفین کے اکآونٹ پر حملے کئے گئے اور سب سے کچھ نہ کچھ چرایا گیا ہے۔

تاہم کمپنی نے کہا ہے کہ تمام صارفین کو موجودہ ریٹس کے حساب سے مکمل ادائیگی کی جائے گی۔ سب سے بڑی سرگرمی 17 جنوری 2022 کو دیکھی گئی جب چند اکآؤنٹس پر غیرمعمولی سرگرمیاں اور چوری کی واردات نوٹ کی گئی۔ ان ادائیگیوں میں ٹو ایف اے لین دین کے نظام سے ہٹ کر کارروائی کی گئی۔ سیکیورٹی عملے نے فوری طور پرپورے سسٹم کو منجمند کردیا۔ لیکن اس وقت تک بہت دیر ہوچکی تھی۔

کرپٹو ڈاٹ کام ایکسچینج نے تمام صارفین سے کہا ہے کہ وہ اب مزید سخت سیکیورٹی کا نظام بنارہے ہیں اور صارفین سے کہا کہ وہ جلد ازجلد اس نئے آرکیٹیکچر پر منتقل ہوجائیں

Square Adsence 300X250


News Source   News Source Text

WATCH LIVE NEWS

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.