آج زیرو پوائنٹ سے ایف نائن پارک تک احتجاجی ریلی کی قیادت کروں گا، عمران خان

image

اسلام آباد: چیئرمین پاکستان تحریک انصاف عمران خان نے کہا ہے کہ آج زیرو پوائنٹ سے ایف نائن پارک تک احتجاجی ریلی کی قیادت کروں گا۔

ہم نیوز کے مطابق سابق وزیراعظم عمران خان نے کہا ہے کہ سب کو احتجاج میں شرکت کی دعوت دیتا ہوں، مغرب کے بعد احتجاجی ریلی کی قیادت کروں گا۔ پی ٹی آئی کی جانب سے پہلے چائنہ چوک سے ایف نائن پارک تک ریلی نکالنے کا اعلان کیا گیا تھا۔

واضح رہے کہ چیئرمین پی ٹی آئی عمران خان نے گزشتہ روز اپنے چیف آف اسٹاف شہباز گل سے ملاقات کی اجازت نہ ملنے کے بعد پمز اسپتال کے احاطے میں ذرائع ابلاغ سے مختصر بات چیت کرتے ہوئے کہا تھا کہ آج عدالتی حکم کے باوجود پولیس نے ہمارا راستہ روکا، ہمیں شہباز گل سے نہیں ملنے دیا گیا ہے۔

عمران خان کا کہنا تھا کہ میرا سوال ہے پولیس کس سے احکامات لے رہی ہے؟ یہاں قانون کی حکمرانی ہے یا ڈنڈے کی؟

سابق وزیراعظم عمران خان نے کہا تھا کہ کل شہباز گل کے لیے اسلام آباد میں  ریلی نکالوں گا جس میں تمام لوگوں کو شرکت کی دعوت دیتا ہوں۔

کورٹ آرڈر لے آئیں، شہباز گل سے مل لیں، عمران خان احسان فراموش ہیں، مریم اورنگزیب

ہم نیوز کے مطابق عمران خان نے کہا تھا کہ اس ملک میں میڈیا کا منہ بند کر کے لوگوں کو ڈرا کر چوروں کی حکومت کو ہم پر مسلط کیا جا رہا ہے، یہ ہم نہیں ہونے دیں گے۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.