خواتین کو ملے گا اب انکا حق صرف ایک کلک پر، وزارت انفارمیشن ٹیکنالوجی نے احسن قدم اٹھالیا

وزارتِ انفارمیشن ٹیکنالوجی کے ترجمان کے مطابق خواتین کو ترقی کے مواقع اور انہیں تحفظ فراہم کرنے کے لیے جلد ہی “بیٹی ایپ” متعارف کرادی جائے گی جس پر تیزی سے کام جاری ہے۔

اطلاعات کے مطابق بیٹی ایپ تک ہر خاتون باآسانی راسائی حاصل کرسکیں گی جہاں اُن کے لیے ملازمتیں، اسکالرشپ، کاروباری مواقعوں اور قانونی معاونت سمیت اہم معلومات موجود ہوگی۔

وزارت آئی ٹی کے مطابق بیٹی ایپ خواتین کو بااختیار بنانے اور اُن کے حقوق کے تحفظ کو یقینی بنانے کے لیے متعارف کرائی جائے گی۔

ایپ کے ذریعے خواتین کو ہر ممکن تعاون فراہم کیا جائے گا اور انہیں اس پلیٹ فارم کے توسط سے بہترین مواقع بھی میسر ہوں گے۔ بیٹی ایپ ڈیجیٹل پاکستان پروگرام میں شامل ہے۔

انفارمیشن ٹیکنالوجی کے ترجمان کا کہنا تھا کہ ایپ اینڈرائیڈ اور آئی او ایس دونوں آپریٹنگ سسٹمز پر جلد ہی دستیاب ہوگی، وزارت کی جانب سے ایپ متعارف ہونے کا باقاعدہ اعلان بھی کیا جائے گا۔

 


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.