بیروت میں  طاقت ور دھماکے میں کم ازکم 10 افراد ہلاک سینکڑوں زخمی

ویب ڈسک —  بیروت کے مرکز کے قریب ایک زور دھماکے میں کم ازکم 10 افراد کے ہلاک ہونے کی اطلاع ہے۔ خبررساں ادارے رائیٹرز کی ایک رپورٹ میں بتایا ہے کہ لبنان کے دارالحکومت بیروت میں ہونے والے اس دھماکے کی آواز دور دور تک سنی گئی۔

دھماکے سے عمارتوں کو نقصان پہنچا اور کئی اپارٹمنٹس کی بالکونیاں اور کھڑکیوں کے شیشے ٹوٹ پھوٹ گئے۔

کئی برسوں کے بعد ہونے والے اس طاقت ور دھماکے سے زمین لرز گئی جس سے کئی لوگوں کو یہ محسوس ہوا کہ جیسے زلزلہ آگیا ہو۔

دھماکے سے لوگوں میں خوف و ہراس طاری ہو گیا۔ اور کئی لوگ چیختے چلاتے ہوئے گھروں سے باہر نکل آئے۔

بیروت سے آنے والی خبروں میں بتایا گیا ہے کہ دھماکے میں زخمی ہونے والوں کی تعداد سینکڑوں میں ہے۔ کئی لوگ گھروں سے باہر نکل کر اپنے عزیز و اقارب کو تلاش کرتے دیکھے گئے۔

دھماکہ ایسے وقت پر ہوا، جب رفیق حریری قتل کیس کا فیصلہ سامنے آنے والا ہے

اقوام متحدہ کی عدالت میں حزب اللہ کے چار ارکان پر سابق وزیراعظم رفیق حریری کے قتل کے الزام میں مقدمہ چل رہا ہے

اس مقدمے کا فیصلہ جمعے کے روز سنایا جائے گا

​مزید خبروں کا انتظار ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

163