زراعت ہماری معیشت میں ریڑھ کی ہڈی کی حیثیت رکھتی ہے، وزیر خارجہ

وزیر خارجہ شاہ محمود قریشی نے کہا ہے کہ زراعت ہماری معیشت میں ریڑھ کی ہڈی کی حیثیت رکھتی ہے۔

تفصیلات کے مطابق پاکستان کسان اتحاد کے صدر خالد کھوکھر اور فارمز ایسوسی ایشن کے صدر آفاق ٹوانہ کی قیادت میں کسان نمائندگان کے وفد کی وزارتِ خارجہ میں وزیر خارجہ شاہ محمود قریشی سے ملاقات ہوئی۔

دوران ملاقات کسانوں کو درپیش مسائل اور موجودہ بجٹ میں کسانوں کو دی جانے والی مراعات کے حوالے سے تبادلہ ء خیال کیا گیا۔

اس موقع پر وزیر خارجہ شاہ محمود قریشی نے زرعی شعبے کی بہتری کیلئے کسان اتحاد کی جانب سے دی گئی تجاویز کو سراہا اور ان تجاویز کو متعلقہ فورم پر اٹھانے کی یقین دہانی کروائی۔

وزیر خارجہ کا کہنا تھا کہ زراعت ہماری معیشت میں ریڑھ کی ہڈی کی حیثیت رکھتی ہے اس لئے اس بجٹ میں زرعی شعبے کی ترقی کیلئے حوصلہ افزا اقدامات کیے گئے۔

شاہ محمود قریشی کا یہ بھی کہنا تھا کہ حکومت کسانوں کو آسان قرضوں سمیت ہر ممکن سہولت فراہم کرنے کیلئے پرعزم ہے۔

وزیر خارجہ شاہ محمود قریشی کا مزید کہنا تھا کہ اللہ کا شکر ہے کہ رواں سال ہماری فصلیں بہت اچھی ہوئیں ، حکومت کی بھرپور کوشش رہی ہے کہ کسانوں کو ان کی پیداوار کا اچھا معاوضہ ملے۔

پارلیمانی سیکرٹری خزانہ زین قریشی بھی اس موقع پر موجود تھے۔

--> Double Click 300 x 250


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

18