اداکار عثمان مختار نے خاتون پر انہیں ہراساں کرنے کا الزام عائد کردیا

پاکستانی اداکار و ہدایتکار عثمان مختار کی جانب سے ایک خاتون پر انہیں آن لائن  ہراساں کرنے کا الزام عائد کردیا گیا ہے۔

رپورٹس کے مطابق اداکار و ہدایتکار عثمان مختار نے گزشتہ روز اپنے انسٹاگرام اکاؤنٹ کے ذریعے انکشاف کیا ہے کہ وہ گزشتہ ڈیڑھ سال کے عرصے میں ایک خاتون سے آن لائن ہراسگی کا شکار ہیں۔

 

View this post on Instagram

 

A post shared by Usman Mukhtar Official (@mukhtarhoonmein)

عثمان مختار نے کہا ہے کہ وہ خاتون آرٹسٹ مسلسل مجھے میسجز کررہی ہے، میں نے جواب نہیں دیا کیونکہ مجھے ٹھیک نہیں لگا اور میں وہ پیغامات بھی پوسٹ کروں گا۔

اداکار کا کہنا تھا کہ میں چاہتا تھا کہ یہ مسئلہ خاموشی سے حل ہوجائے تاکہ ایک خاتون سے متعلق منفی تاثر نہ جائے لیکن اب میں مزید چپ نہیں رہ سکتا کیونکہ میرے کردار کو مسلسل نشانہ بنایا جارہا ہے۔

 

View this post on Instagram

 

A post shared by Usman Mukhtar Official (@mukhtarhoonmein)

خاتون کی جانب سے ہراساں ہونے کے حوالے سے عثمان مختار نے بتایا کہ 2016 میں ایک خاتون آرٹسٹ کے ساتھ ایک میوزک ویڈیو پر کام کیا تھا اور اس دوران ان کے ویڈیو سے متعلق اختلافات رہے جس کی وجہ سے ان کی کئی مرتبہ بحث بھی ہوئی تھی۔

آخر میں عثمان مختار نے اپنے پیغام کے ذریعے ان تمام لوگوں کا شکریہ بھی ادا کیا جنہوں نے اس تمام صورتحال میں ان کی مدد کی اور مکمل سپورٹ بھی فراہم کیا ہے۔

بعدازاں اداکار و ہدایتکار عثمان مختار کے اس پوسٹ پت کمنٹ کرتے ہوئے پاکستانی اداکارہ ارمینا خان نے بھی انکشاف کیا ہے کہ وہ بھی اسی خاتون کے باعث پریشانی کا شکار ہوئی تھیں۔

ارمینا خان نے مزید کہا ہے کہ  ان تمام چیزوں سے گھبرانے کی کوئی ضرورت نہیں ہے ہم  سب ہمیشہ آپ کے ساتھ  کھڑے ہیں۔

اسکے علاوہ بھی شو بز کی دیگر شخصیات نے بھی ان کی حوصلہ افرازئی کی ہے۔

Adsense 300×250

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

145