امارات کا ترکی میں سرمایہ کاری کے لیے 10 ارب ڈالر کے فنڈ کا اعلان

image

اماراتی خبر رساں ادارے وام کے مطابق امارات نے ترکی میں سرمایہ کاری کے فروغ کے لیے دس ارب ڈالر مالیت سے فنڈ قائم کرنے کا اعلان کیا ہے۔

ترکی اور متحدہ عرب امارات کے درمیان صدر طیب رجب اوردگان اور ابوظبی کے ولی عہد شیخ محمد بن زاید آل نھیان کی موجود گی میں بدھ کو انقرہ میں کئی معاہدے کئے ہیں۔

خبر ایجنسی کے مطابق ان دونوں کے درمیان سرمایہ کاری کے معاہدوں پر بھی اتفاق ہوا ہے، ترکی کے سینٹرل بینک اور امارات کے سینٹرل بینک نے دوطرفہ مفاہمتی یادداشت پر دستخط کیے ہیں۔

ابوظبی کے ولی عہد شیخ محمد بن زاید نے کہا کہ ترک صدر سے ملاقات میں مفید مذاکرات کیے اقتصادی تعلقات کو فروغ دینے کے امکانات پر زور دیا گیا ہے۔

انہوں نے کہا کہ اس تعاون سے نئے مواقع ملیں گے، ہم چاہتے ہیں کہ مل کر دونوں ملک ایک دوسرے کے مفاد کےلیے کام کریں۔

دونوں رہنماوں نے باہمی دلچسپی کے بین الاقوامی حالات پر بھی تبادلہ خیال کیا ہے۔

ترک وزیر خارجہ نے اس حوالے سے کہا کہ اوردگان اور محمد بن زاید کے مذاکرات بہت کامیاب رہے اور وہ دسمبر میں ابوظبی کا دورہ کریں گے۔

قبل ازیں ابوظبی کے ولی عہد شیخ محمد بن زاید آل نھیان ترکی کے سرکاری دورے پر بدھ کو انقرہ پہنچے تو ایوان صدارت آمد پر صدر رجب طیب اردگان نے خیر مقدم کیا۔

شیخ محمد بن زاید کا شاندار سرکاری استقبال ہوا، انہیں گارڈ آف آنر دیا گیا۔ 21 توپوں کی سلامی دی گئی۔

Square Adsence 300X250


News Source   News Source Text

WATCH LIVE NEWS

مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.