کراچی پولیس کا منشیات فروشوں کیخلاف بڑا کریک ڈاون

image

کراچی: ویسٹ پولیس نے بدنام زمانہ منشیات فروش ملزمہ سمیت تین مطلوب ملزمان کو گرفتار کرلیا۔

ایس ایس پی ویسٹ سوہائے عزیز کا کہنا ہے کہ ملزمہ و ملزمان سے 5 کلو 95 گرام چرس، 62 گرام آئس، 61 گرام ہیروئن اور 02 عدد ڈیجیٹل کانٹے (ترازو) برآمد کئے گئے۔

پہلی کارروائی میں ایس ایچ او پیرآباد نے خفیہ اطلاع پر کاروائی کرکے منشیات فروش سرغنہ پروین بی بی عرف آنٹی کو گرفتار کیا۔ ملزمہ سے 2 کلو 30 گرام چرس، 62 گرام آئس اور 61 گرام ہیروئن برآمد ہوئی۔

ملزمہ عادی جرائم پیشہ ور خاندان کی سرغنہ ہے اور اس خاندان کے خلاف تھانہ پیرآباد میں سنگین نوعیت کے 28 سے زائد مقدمات درج ہیں۔

ملزمہ کا ایک بھائی سردار خان قبل ازیں پولیس مقابلہ کے دوران ہلاک ہو چکا ہے۔ ملزمہ کے دو اہم کارندے ارشد عالم عرف جڑیا اور شیر محمد بھی ویسٹ پولیس کے ہاتھوں گرفتار ہو کر جیل جا چکے ہیں۔

ملزمہ کی فرار ساتھی (بہن) شمیم عرف آنٹی کی تلاش جاری ہے۔

دوسری کارروائی میں ایس ایچ او سرجانی نے لیاری، سرجانی کے علاقے میں کارروائی کر کے ملزم فیضان ولد اشفاق کو گرفتار کیا۔

ملزم سے 2 کلو 50 گرام چرس، 2 عدد ڈیجیٹل کانٹے (ترازو) اور پیکنگ کا سامان برآمد کیا گیا۔

ملزم مطلوب منشیات فروش فرقان عرف چیکو کا کارندہ (بھائی) ہے۔

پولیس کی تیسری کارروائی ایس ایچ او پاکستان بازار نے سیکٹر 14C  قبرستان کے قریب کی اور ملزم اکرام عرف ڈاکٹر کو گرفتار کیا۔

ملزم کا نام مطلوب منشیات فروش ملزمان کی فہرست میں شامل تھا۔ گرفتار ملزم سے ایک کلو سے زائد چرس اور فروختگی کی رقم برآمد ہوئی۔

ملزمہ و ملزمان کے خلاف مقدمات درج کرکے مزید قانونی کارروائی کی لئے تفتیشی حکام کے حوالے کر دیا گیا۔

Square Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.