اومیکرون کے باعث کھیلوں کا ایک اور ایونٹ متاثر

image

پاکستان ٹین پن باؤلنگ فیڈریشن نے اومیکرون وائرس کی وجہ سے 14 ویں قومی ٹین پن باؤلنگ چیمپئن شپ 2022 ملتوی کردی ہے۔

پاکستان ٹین پن باؤلنگ فیڈریشن نے 14ویں قومی ٹین پن باؤلنگ چیمپئن شپ 2022 کووڈ کی نئی لہر اور متوقع بارشوں کی وجہ سے ملتوی کردی ہے جو 25 جنوری سے 30 جنوری 2022 تک لیزر سٹی باؤلنگ کلب جناح پارک راولپنڈی میں شیڈول تھی۔

پی ٹی بی ایف کا باضابطہ اجلاس اسلام آباد میں ہوا جس کی صدارت پی ٹی بی ایف کے صدر اعجاز الرحمان نے کی، اجلاس میں سینئر نائب صدر خواجہ احمد مستقیم اور سیکرٹری جنرل محمد حسین چٹھہ نے بھی شرکت کی۔

اجلاس میں آئندہ ایونٹ کے شیڈول پر تبادلہ خیال کیا گیا اور فیصلہ کیا گیا کہ اومیکرون وائرس کی وجہ سے 14 ویں نیشنل ٹین پن باؤلنگ چیمپئن شپ 20 فروری سے 25 فروری 2022 تک منعقد ہوگی۔

میڈیا سے گفتگو میں پی ٹی بی ایف کے صدر اعجاز الرحمان کا کہنا تھا کہ 14 ویں نیشنل ٹین پن باؤلنگ چیمپئن شپ 2022 کے تمام انتظامات مکمل کر لیے گئے تھے لیکن کووڈ کی نئی لہر کے باعث اس میگا ایونٹ کو ری شیڈول کر دیا گیا ہے۔

اب 14 ویں نیشنل ٹین پن باؤلنگ چیمپئن شپ 2022 نئے شیڈول کے مطابق 20 فروری سے 25 فروری 2022 تک لیزر سٹی باؤلنگ کلب جناح پارک راولپنڈی میں کھیلی جائے گی۔

Square Adsence 300X250


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.