پی ٹی آئی وزیراعلیٰ پنجاب کا الیکشن رکوانے سپریم کورٹ پہنچ گئی،درخواست دائر،آج ہی سماعت کی استدعا

image

پی ٹی آئی وزیراعلیٰ پنجاب کا الیکشن رکوانے سپریم کورٹ پہنچ گئی، لاہور ہائیکورٹ کا فیصلہ سپریم کورٹ میں چیلنج کر دیا اور آج ہی سماعت کی استدعا بھی کر دی۔

پی ٹی آئی کی جانب سے سپریم کورٹ سے استدعا کی گئی ہے کہ لاہور ہائیکورٹ فیصلہ کیخلاف اپیل منظور کی جائے، پی ٹی آئی اراکین پنجاب اسمبلی کو اجلاس میں شرکت کے لیے مناسب وقت دینا ضروری ہے اور حمزہ شہباز کو عہدہ سے ہٹایا جائے تاکہ صاف شفاف الیکشن ہوسکیں۔

درخواست میں کہا گیا ہے کہ درخواست پر فیصلے تک وزیراعلی پنجاب کا انتخاب روکا جائے، وزیر اعلی پنجاب حمزہ شہباز شریف کی کامیابی کا نوٹس فیکیشن معطل کیا جائے، پنجاب اسمبلی میں وزارت اعلی کا الیکشن فوری معطل کیا جائے، ہائیکورٹ کے فیصلہ کو تبدیل کرکے اجلاس بلانے کا مناسب وقت دیا جائے،فریقین کو صاف اور شفاف الیکشن کا آئینی حق حاصل ہے۔

درخواست پاکستان تحریک انصاف کے وکیل فیصل چوہدری اور امتیاز صدیقی کی جانب سے دائر کی گئی ہے۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.