دنیا سے قریب ترین بلیک ہولز کا جوڑا دریافت

image

دو بڑے بلیک ہولز جو جلد ایک ہوجائیں گے، کو قریبی کہکشاں میں دریافت کرلیا گیا ہے۔

دو بلیک ہولز NGC 7727نامی کہکشاں کے مرکز میں ایک دوسرے کے گرد گھوم رہے ہیں۔ یہ کہکشاں دنیا سے 89 نوری سالوں کے فاصلے پر ایکویریس کوسٹیلیشن میں واقع ہے۔

سائنسدانوں کا کہنا ہے کہ انہوں نے زمین سے قریب ایسے بلیک ہول کے جوڑے کو کبھی نہیں دیکھا ہے، نہ ہی ایک دوسرے کے اتنا قرب دیکھا ہے۔

یہ بلیک ہول کا جوڑا، جو آج سے 25 کروڑ سال بعد مل کر ایک بڑا بلیک ہول بنالے گا، زیادہ ایکس-رے شعائیں خارج نہیں کرتا جس کی وجہ سے اس کے متعلق زیادہ کچھ معلوم نہیں ہوسکا۔

 ان بلیک ہولز کی دریافت دو ہائی پاور ٹیلی اسکوپس ایک چلی میں لگی بڑی ٹیلی اسکوپ اور دوسری ہبل اسپیس ٹیلی اسکوپ کی مدد سے ہوئی۔

تحقیق کے سربراہ مصنف کیرینا ووگیل نے ایک بیان میں کہا یہ پہلی بار ہے کہ ہم نے ایک دوسرے سے قریب اتنے بڑے دو بلیک ہولز دریافت کیے۔

گزشتہ ریکارڈ ہولڈر بلیک ہولز کا جوڑا زمین سے 47 کروڑ نوری سال کے فاصلے پر تھا۔ یہ فاصلہ حالیہ دریافت ہونے والے جوڑے سے پانچ گُنا زیادہ تھا۔

اس جوڑے کے زمین سے اتنا قریب ہونے نے ماہرین کےلیے یہ بات پہلی بار ممکن بنائی ہے کہ ان کی کششِ ثقل کے ستاروں کے اثر سے بلک ہولز کے وزن کا تعین کرسکیں گے۔

Square Adsence 300X250


News Source   News Source Text

WATCH LIVE NEWS

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.