ڈھاکہ ٹیسٹ: پہلے دن کا کھیل ختم، پاکستان کے دو وکٹوں کے نقصان پر 161 رنز

image

بنگلہ دیش کے خلاف ڈھاکہ میں کھیلے جا رہے دوسرے ٹیسٹ میچ کی پہلی اننگز میں پاکستان کے اوپنرز نے 59 رنز کی پارٹنرشپ کی جس کے بعد عبداللہ شفیق 25 رنز بنا کر تیج الاسلام کی گیند پر بولڈ ہو گئے۔

اس کے بعد عابد علی بھی تیج الاسلام کا شکار بنے۔ انہوں نے 39 رنز سکور کیے۔

جب روشنی کم ہونے پر پہلے دن کے کھیل کا اختتام ہوا تو پاکستان نے دو وکٹوں کے نقصان پر 161 رنز بنا لیے تھے اور بابر اعظم 60 اور اظہر علی 36 رنز بناکر ناٹ آؤٹ تھے۔

قبل ازیں پاکستان کرکٹ ٹیم کے کپتان بابر اعظم نے ٹاس جیت کر پہلے بیٹنگ کرنے کا فیصلہ کیا ہے۔ 

سنیچر کو ٹاس جیتنے کے بعد  بابر اعظم نے کہا کہ ان کی ٹیم زیادہ رنز بنانے کی کوشش کرے گی اور اوپنرز کی کارکردگی کو آگے بڑھانے کی کوشش کریں گے۔

دوسرے ٹیسٹ میچ کے لیے بنگلہ دیش کی ٹیم میں تین تبدیلیاں کی گئی ہیں۔ چٹوگرام میں پہلا ٹیسٹ کھیلنے والے یاسر علی، سیف حسن اور ابو جاوید کو ڈراپ کیا گیا ہے۔

ان کی جگہ ٹیم میں شکیب الحسن، خالد احمد اور محمود الحسن جوئے کو شامل کیا گیا ہے۔

ڈھاکہ ٹیسٹ میں محمود الحسن جوئے اپنا ڈیبیو کر رہے ہیں۔

پاکستان کی ٹیم میں کوئی تبدیلی نہیں کی گئی اور پہلا ٹیسٹ جیتنے والی ٹیم ہی برقرار رکھی گئی ہے۔

خیال رہے کہ پاکستان نے چٹوگرام ٹیسٹ میں بنگلہ دیش کو آٹھ وکٹوں سے شکست دے کر سیریز میں ایک صفر کی  برتری حاصل کر رکھی ہے۔


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.