متحدہ عرب امارات میں نئے کورونا کیسز میں آج بھی اضافہ

image
متحدہ عرب امارات کی وزارتِ صحت کی جانب سے جاری اعداد و شمار کے مطابق کورونا وائرس سے متاثرہ نئے کیسز میں آج بروز جمعہ کو اضافہ ریکارڈ کیا گیا ہے۔

اماراتی خبررساں ایجنسی وام کے مطابق گزشتہ چوبیس گھنٹوں میں کورونا وائرس سے متاثرہ 3 ہزار 68 نئے مریض ریکارڈ پر آئے ہیں جس کے بعد اب کورونا وائرس کے کُل مریض 7 لاکھ 99 ہزار 65 ہو چکے ہیں۔

متحدہ عرب امارات کی وزارتِ صحت کے مطابق کورونا وائرس سے شفا پانے والوں کی تعداد ایک ہزار 2 سو 26 رہی، اس طرح اب تک صحت یاب افراد کی کُل تعداد 7 لاکھ 58 ہزار 31 تک پہنچ گئی ہے۔

امارات میں کورونا وائرس سے متاثرہ 3 افراد کی آج کے دن موت بھی واقع ہوئی، اس طرح اب تک مرنے والوں کی کُل تعداد 2 ہزار ایک سو 85 ہوچکی ہے۔

متحدہ عرب امارات وزارتِ صحت کے اعلامیے میں بتایا گیا کہ گزشتہ چوبیس گھنٹوں کے دوران کورونا کے 4 لاکھ 24 ہزار 8 سو 61 ٹیسٹ بھی کیے جا چکے ہیں۔

متحدہ عرب امارات کی وزارتِ صحت کے مطابق گزشتہ چوبیس گھنٹوں میں 13 ہزار 4 سو 32 افراد کو کورونا ویکسین لگائی گئی۔ اس طرح اب تک کورونا ویکسین کی 2 کروڑ 30 لاکھ 10 ہزار 9 سو 66 خوراکیں دی جا چکی ہیں۔

Square Adsence 300X250

News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.