اسلام آباد، عمران خان کے ہیلی کاپٹر کو لینڈنگ کی اجازت دینے سے انکار

image

اسلام آباد: وفاقی دارالحکومت اسلام آباد کی انتظامیہ نے چیئرمین پاکستان تحریک انصاف عمران خان کے ہیلی کاپٹر کو پریڈ گراؤنڈ میں لینڈنگ کی اجازت دینے سے انکار کردیا ہے۔

اسلام آباد کی انتظامیہ نے اس حوالے سے مؤقف اختیار کیا ہے کہ پریڈ گراونڈ حساس علاقہ ہے اور پھر وہاں ہیلی پیڈ بھی نہیں ہے البتہ پی ٹی آئی کو دھرنے کے لیے مشروط اجازت دے دی ہے۔ پی ٹی آئی کو 36 شرائط دی گئی ہیں۔

اس ضمن میں اسلام آباد کی انتظامیہ نے کہا ہے کہ چیئرمین پی ٹی آئی اپنے دستخط سے 25 نومبر تک بیان حلفی جمع کروائیں۔

ضلعی انتظامیہ کی جانب سے یہ ہدایات بھی دی گئی ہیں کہ خیبر پختونخوا سے آنے والے قافلے جی ٹی روڈ اور موٹر وے سے پشاور روڈ اورآئی جے پی روڈ استعمال کریں گے جب کہ پنجاب سے آنے والے قافلے ٹی چوک روات سے کورال اور پھرراولپنڈی جائیں گے۔

اسلام آباد کی ضلعی انتظامیہ کی جانب سے دی جانے والی ہدایات کے تحت مری اور آزاد کشمیر سے آنے والے قافلے کورال انٹر چینج سے پرانے ایئرپورٹ روڈ کی طرف جائیں گے۔

توہین عدالت کیس، عمران خان نے جواب الجواب جمع کروا دیا

ضلعی انتظامیہ نے واضح کیا ہے کہ روٹ استعمال کرنے کی اجازت صرف ایک دن کے لیے ہوگی اور اگرکوئی بھی ناخوشگوارواقعہ پیش آیا تو اجازت نامہ منسوخ ہو جائے گا۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.