ٹڈی دل سے نمٹنے کے لیے، چین بطخوں کی ’فوج‘ پاکستان بھیجے گا

چین نے پاکستان میں فصلوں کو تباہ کرنے والے ٹڈی دل کا مقابلہ کرنے کے لیے ایک لاکھ بطخیں پاکستان بھیجنے کا فیصلہ  کیا   ہے۔ جسے ڈک  آرمی  کا نام دیا گیا ہے۔

چینی میڈیا کے مطابق بطخوں کی یہ فوج چین کے مشرقی صوبے زی جیانگ سے رواں برس کی آخری سہ ماہی میں بھیجی جائے گی۔

لیکن اس سے قبل چینی ماہرین کی ایک ٹیم پاکستان آئے گی تاکہ یہ تجربہ ہوسکے کہ بطخوں کے ذریعے ٹڈی دل سے کیسے بچنا ہے۔

زی جیانگ اکیڈمی آف ایگری کلچر سائنسز کے محقق لو لیزہی، جو اس پراجیکٹ پر ایک پاکستانی یونیورسٹی کے ساتھ کام کر رہے ہیں کا کہنا ہے کہ ’بطخیں ایک حیاتیاتی (بائیو لوجیکل) ہتھیار ہیں اور ٹڈی دل کو مارے کے لیے یہ کیڑے مار دوائیوں سے بہتر کام کرتی ہیں۔‘

فصلوں کے دشمن ٹڈی دل کی سندھ بھر میں تباہ کاریاں جاریانہوں نے مزید کہا کہ ’ایک بطخ روزانہ200 کے قریب ٹڈی دل کھا سکتی ہے۔‘

چینی محقق کا کہنا تھا کہ بطخوں کو پاکستان بھیجنے سے قبل چین کے مغربی علاقے شن جیانگ میں تجربہ کیا جائے گا۔

واضح رہے کہ پاکستان سمیت دنیا کے کئی ممالک میں ٹڈی دلوں کے جھنڈ فصلوں پر حملہ کرتے ہیں اور بہت تیزی سے فصلوں کو تباہ کر دیتے ہیں۔

ٹڈی دل نے گذشتہ برس پاکستان میں کاٹن کی فصل کو تباہ کر دیا تھا اور اب اس کی وجہ سے گندم کی فصل کو بھی نقصان پہنچنے کا خدشہ ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.