ماہرینِ فلکیات نے پائی سیارہ دریافت کر لیا

ماہرینِ فلکیات نے ایک دلچسپ سیارہ (ایگزوپلانیٹ) دریافت کیا ہے۔

غیر ملکی خبر رساں ادارے کے مطابق ہماری زمین سے 186 نوری سال کے فاصلے پر ایک سیارے کو دریافت کیا گیا ہے جسے پائی سیارے کا نام دیا گیا ہے۔

یہ سیارہ اپنے سورج کے گرد صرف 3.14 دن میں ایک چکر مکمل کرتا ہے۔

اس کا آفیشل نام کے ٹو 315 بی ہے لیکن یہ اپنے ستارے کے گرد بہت تیزی سے گھومتا ہے اس لیے اس سیارے کو پائی سیارے کا نام دے دیا گیا ہے۔

پائی ایک ریاضیاتی مستقل ہے جو کسی دائرے کے قطر اور اس کے گھیر کے درمیان تناست کو ظاہر کرتا ہے اور اس کی قدر 3.14 ہے ۔

اس حوالے سے ماہرین نے اس سیارے کو پائی زمین بھی کہا ہے۔

اسیپیکیولوس دوربینوں کے ذریعے فروری، مارچ اور مئی میں مشاہدات کئے گئے۔

2017 میں کیپلر خلائی دوربین نے اسے دریافت کیا تھا اور تب سے فلکیات دانوں نے مسلسل اس پر نظر رکھی ہوئی تھی۔

یہ سیارہ ایک ایسے بونے ستارے کے گرد گھوم رہا ہے جس کی جسامت ہمارے سورج سے صرف 20 فیصد ہے۔

کیپلر نے اس کے 20 عبور یا ٹرانزٹ کو بھی دیکھا ہے۔

محتاط اندازے کے مطابق اس سیارے کی جسامت ہماری زمین سے 95 فیصد تک ہے، شاید یہ گیس کی بجائے ایک پتھریلا سیارہ ہے۔

واضح رہےکہ کئی برس کے مشاہدے کے بعد ہی ماہرین نے اس کی تصدیق کی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

323