پاکستان :موذی وائرس38افراد کی جان نگل گیا

اسلام آباد(روزنامہ اوصاف)موذی وباء کورونا وائرس نے گزشتہ چوبیس گھنٹوں کے دوران 38پاکستانیوں کی جان لے لی جبکہ مزید ایک ہزار714 افراد میں وائرس کی تصدیق کردی گئی نیشنل کمانڈ اینڈ کنٹرول سینٹر کے مطابق پاکستان میں کورونا سے اموات کی مجموعی تعداد 13 ہزار 166 تک پہنچ گئی جبکہ متاثرہ افراد کی مجموعی تعداد 5 لاکھ 88 ہزار 728 ہو گئی ہے۔ملک بھرمیں ایکٹو کیسز کی تعداد 17 ہزار 352 ہیں۔ 5 لاکھ 58 ہزا 210 افراد کورونا سے صحتیاب ہوچکے ہیں۔کورونا کے سبب سب سے زیادہ اموات پنجاب میں ہوئی ہیں

 جہاں 5 ہزار 534 افراد جان کی بازی ہار چکے ہیں جبکہ سندھ میں 4 ہزار 411، خیبر پختونخوا 2 ہزار 104، اسلام آباد میں 506، گلگت بلتستان میں 102، بلوچستان میں 200 اور آزاد کشمیر میں 309 افراد جان کی بازی ہار چکے ہیں۔اسلام آباد میں کورونا کیسزکی تعداد 45 ہزار 329، خیبر پختونخوا 73 ہزار 515، سندھ 2 لاکھ 59 ہزار 392، پنجاب میں ایک لاکھ 75 ہزار 964، بلوچستان 19 ہزار 106، آزاد کشمیر 10 ہزار 464 اور گلگت بلتستان میں 4 ہزار 958 افراد کورونا سے متاثر ہوچکے ہیں۔دوسری جانب پاکستان میں کورونا کی ویکسینیشن جاری ہے اور پہلے مرحلے میں ہیلتھ ورکرز کو کورونا ویکسین لگائی جا رہی ہے جبکہ 63 سال سے بڑی عمر کے افراد کو بھی ویکسینیشن کا عمل شروع کیا جا چکا ہے۔

ملک بھر میں ایڈلٹ ویکسینیشن مراکز قائم کیے جا چکے ہیں اور ویکسینیشن کا تمام تر عمل ڈیجیٹل میکنزم سے کنٹرول کیا جائے گا۔ویکسینیشن کے پہلے مرحلے کے لیے پنجاب میں 189 اور سندھ میں 14 مراکز قائم کیے گئے ہیں جبکہ خیبر پختونخوا میں 280، بلوچستان میں 44 اور اسلام آباد میں 14 ویکسینیشن سینٹر قائم کیے جا چکے ہیں۔ آزاد کشمیر میں 25 اور گلگت بلتستان میں بھی 16 مراکز کے ذریعے ویکسینیشن کی جائے گی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

40