انڈین مسافر طیارے میں دھواں بھر جانے کے بعد ہنگامی لینڈنگ

image
انڈیا میں دوران پرواز ایک مسافر طیارے کے کیبن میں دھواں بھرنے کے بعد اس کو بحفاظت دہلی ایئرپورٹ پر واپس اتار لیا گیا۔

انڈین نیوز ایجنسی این این آئی کے مطابق سنیچر کی صبح سپائس جیٹ کی پرواز ایس جی 2962 جبل پور شہر جا رہی تھی جب پانچ ہزار فٹ کی بلندی پر طیارے کے عملے نے کیبن میں دھواں دیکھا۔

سپائس جیٹ کے ترجمان نے بتایا کہ کیبن میں دھواں دیکھنے کے بعد پائلٹ نے دہلی ایئرپورٹ اترنے کا فیصلہ کیا۔

’پرواز دہلی ایئرپورٹ پر بحفاظت اتری اور مسافروں کو بھی بحفاظت نکالا گیا۔‘

دہلی ایئرپورٹ سے سپائس جیٹ نے صبح چھ بج کر 15 منٹ پر اڑان بھری اور پھر سات بجے واپس اتر گیا۔

ٹوئٹر پر شیئر کی گئی ویڈیو میں بھی دیکھا جا سکتا ہے کہ جہاز میں دھواں ہے اور مسافر کاغذ جھول کر دھویں سے محفوظ رہنے کی کوشش کر رہے ہیں۔

سوراب چھابڑا جو جہاز میں بیٹھے ہوئے تھے، نے اے این آئی کو بتایا کہ ’جہاز کے اڑان بھرنے کے فوراً بعد طیارے میں افراتفری تھی کیونکہ مسافروں کو سانس لینا محال ہو رہا تھا۔‘

انہوں نے ٹویٹ بھی کی اور کہا کہ ’ایسا لگتا ہے کہ سپائس جیٹ غیرمحفوظ ہے۔‘

Faced this incident today morning.

Looks like #spicejet is #unsafe.

Here are some snapshots of @flyspicejet SG 2962

Once passengers started panicking, they landed back to #delhi.

Plane caught fire.

Thankfully we are safe but waiting since long. They don’t have backup #✈️ pic.twitter.com/byw3CrrffZ

— Saurabh Chhabra (@saurabhdigidir) July 2, 2022

گزشتہ 15 دنوں کے اندر یہ سپائس جیٹ کی دوسری ایمرجنسی لینڈنگ ہے۔ 19 جون کو پٹنہ میں اس وقت ایمرجنسی لینڈنگ کی جب اس کی انجن میں آگ لگی۔ جہاز میں 185 مسافر سوار تھے۔


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.