پاکستان اور زمبابوے کے درمیان پہلا ٹی20آج کھیلا جائے گا

جنوبی افریقہ کے خلاف جیت کے بعد گرین شرٹس زمبابوے کو بھی زیر کرنے کے لیے تیار ہیں۔

دونوں ٹیموں کے درمیان ٹی20سیریز کا پہلا میچ آج کھیلا جائے گا۔ پاکستان اور زمبابوے کی ٹیمیں پہلے ٹی 20 میں دوپہر دو بجے ہرارے میں مد مقابل آئیں گی۔

پاکستان اور زمبابوے کے درمیان کھیلی جانے والی ٹی 20 سیریز تین میچوں پر مشتمل ہے۔ سیریز کے تینوں میچ ہرارے میں ہی کھیلے جائیں گے اور کورونا کے پیش نظر تماشائیوں کو گراؤنڈ میں داخلے کی اجازت نہیں ہوگی۔

اب تک دونوں ٹیموں کے درمیان کھیلے گئے چودہ میچز پاکستان نے جیتے ہیں۔

زمبابوے کے خلاف ٹی 20 میں سب سے زیادہ دو سو پینسٹھ رنز بنانے والے احمد شہزاد اسکواڈ کا حصہ نہیں ہیں۔افریقی ٹیم کے خلاف محمد حفیظ سات میچوں میں13وکٹوں کے ساتھ سب سے آگے ہیں۔

ٹی 20 سیریز کے بعد دونوں ٹیموں میں دو میچوں پر مشتمل ٹیسٹ سیز یز بھی کھیلی جائے گی۔ پاکستان کی جانب سے تین میچوں کی سیریز میں نئے کھلاڑیوں کو موقع دئیے جانے کا امکان ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

178