دوسرےوارم اپ میچ میں پروٹیز کےہاتھوں شاہینوں کو شکست

image

جنوبی افریقہ نے پاکستان کو دوسرے وارم اپ میچ میں 6وکٹوں سے شکست دیدی۔

متحدہ عرب امارات میں جاری ٹی20 ورلڈکپ کے وارم اپ میچ میں جنوبی افریقہ نے ٹاس جیت کر پہلے فیلڈنگ کرنے کا فیصلہ کیا۔

پاکستان نے مقررہ 20 اوورز میں 186 رنز بنائے، کپتان بابراعظم 15 ، محمد رضوان 19 اور محمد حفیظ 13 رنز بناکر آؤٹ ہوئے تاہم فخر زمان نے نصف سنچری اسکور کی وہ 52 رنز بناکر ریٹائرڈ آؤٹ ہوگئے۔

شعیب ملک نے 28، آصف علی نے 32 اور حسن علی نے 11 رنز کی اننگز کھیلی۔ جنوبی افریقا کی جانب سے کگیسو ربادا نے 3 وکٹیں حاصل کیں۔

ہدف کے تعاقب میں جنوبی افریقہ کے دونوں اوپنرز جلد آؤٹ ہوگئے تاہم مڈل آرڈر بلے باز وین ڈر ڈوسن نے جارحانہ سنچری مکمل کرتے ہوئے ٹیم کو فتح سے ہمکنار کروادیا۔ انکا بھرپور ساتھ باوما نے دیا جنہوں نے 46 رنز کی اننگز کھیلی۔

اس سے قبل پہلے وارم اپ میچ میں پاکستان نےدفاعی چیمپیئن ویسٹ انڈیز کو 7 وکٹوں سے شکست دی تھی۔


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.