ایجبسٹن ٹیسٹ میں انگلینڈ نے انڈیا کو ہرا دیا، ’کوہلی کو ڈراپ کرنا ہوگا‘

image
انگلینڈ نے ٹیسٹ سیریز کے آخری اور پانچویں میچ میں انڈیا کو 7 وکٹوں سے شکست دے دی ہے۔

انگلینڈ نے 378 رنز کا ہدف پانچویں دن کے پہلے سیشن میں 7 وکٹوں کے نقصان پر پورا کرلیا۔

انگلینڈ کی جانب سے سٹار پلیئرز جو روٹ اور جونی بیئرسٹو نے ایک بار پھر سے سنچری سکور کرتے ہوئے بالترتیب 142 اور 114 رنز سکور کیے۔

میچ کے پانچویں دن انگلینڈ نے اپنی باری 259 رنز سے شروع کی جس کے بعد صرف 19 اوورز مزید کھیل کے انگلینڈ نے 378 رنز کا بآسانی حاصل کرلیا ہے۔

انگلش کھلاڑی جونی بیئرسٹو کو میچ کی دونوں اننگز میں سنچری سکور کرنے کو پلیئر آف دی میچ کا انعام دیا گیا ہے۔

جبکہ انگلینڈ کی جانب سے جو روٹ سیریز میں 737 رنز بنانے اور انڈیا کی جانب سے جسپریت بمراہ کو سیریز میں 23 وکٹیں لینے پر مشترکہ طور پر پلیئر آف دی سیریز کے انعام سے نوازا گیا ہے۔

برینڈن مکلم کے کوچ بننے اور بین سٹوکس کے کپتان بننے کے بعد انگلینڈ ٹیم نے اپنے اس ہوم سیزن میں تمام ٹیسٹ میچ جیتے ہیں۔

انگلینڈ اور انڈیا کے درمیان آخری ٹیسٹ میچ کے بارے میں سماجی رابطوں کی ویب سائٹ ٹوئٹر پر بھی صارفین کے تبصرے دیکھنے میں آرہے ہیں۔

فرضی نامی ایک صارف اپنے ٹویٹ میں طنز کرتے ہوئے کہتے ہیں کہ ’آئیے زیادہ اہم چیزوں پر توجہ دیں، انڈیا کی جی ڈی پی کیا ہے؟‘

Let's focus on more important things. What's GDP of India?

— Silly Point (@FarziCricketer) July 5, 2022

انگلینڈ کی خواتین ٹیم کی کھلاڑی کیٹ کراس ٹویٹ میں لکھتی ہیں کہ ’انہوں نے ریکارڈ توڑنا کتنا زیادہ آسان کرکے دکھایا ہے۔‘

They’ve just made breaking that record look ridiculously easy

— Kate Cross (@katecross16) July 5, 2022

ٹوئٹر پر ایک اور صارف کہتے ہیں کہ ’چلو جو بھی ہے، وراٹ کوہلی کو اب کچھ وقت کے لیے ڈراپ کرنا ہوگا، اس بندے کو کافی زیادہ وقت دیا چکا ہے۔‘

Anyway Virat Kohli needs to be dropped for a while, man's been given a long rope far too long #INDvENG

— div (@teamidemo) July 5, 2022

انوپم نامی ایک صارف لکھتے ہیں کہ 'بیز بال (یعنی برینڈن مکلم کے طرز کی تیز کرکٹ) کوئی غیر ضروری نہیں ہے، یہ خام ہے، اصلی ہے، انقلابی ہے۔‘

خیال رہے کہ یہ ٹیسٹ میچ 2021 میں ہونے والی سیریز میں کورونا کے باعث ملتوی ہونے والا میچ ہے۔

انڈیا اور انگلینڈ کے درمیان ٹی 20 سیریز کا پہلا میچ جمعرات کے دن ساؤتھمپٹن میں کھیلا جائے گا۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.