خاتون اور کوے کی حیرت انگیز دوستی

لندن:  انسان  ویسے تو کئی جانوروں اور پرندوں کو بطور پالتو  اپنے ساتھ رکھتا ہے لیکن کوے اور انسان کے درمیان کی دوستی کی مثال بہت کم ملتی ہے ۔

کوا عموماً انسانوں کے ساتھ دوستانہ رویہ نہیں رکھتااور اگر اس کا کوئی کام بگاڑ دیا جائے تو وہ انسانوں کا دشمن بن جاتا ہے لیکن برطانیہ میں خاتون اور کوا  بہت ہی گہرے دوست ہیں۔

انسان اور کوے کی یہ  کی دوستی اس وقت ہوئی جب خاتون نے گھونسلے سے گرنے پر اس کی جان بچائی۔

خاتون کا یہ دوست کوا پنجرے کے بجائے گھر میں رہتا ہے، جیسے ہی گھر کی کھڑکی کھلتی ہے یہ اندر آجاتا ہے اور ہر آدھے گھنٹے بعد گھر کے چکر لگاتا ہے۔

خاتون کے مطابق کوا ٹی وی شوق سے دیکھتا ہے اور لمبی ڈرائیو پر خاتون کے ساتھ ساتھ رہتا ہے۔ جب وہ میک اپ کرتی ہیں تو وہ ان کے کندھے پر بیٹھ جاتا ہے۔

 خاتون کا کہنا ہےکہ وہ جیسے ہی وہ کار میں بیٹھتی ہیں کوا سیٹ کے سر ٹکانے والے حصے پر بیٹھ جاتا ہے جب کہ ٹی وی دیکھتے ہوئے وہ بھی بازو اور کبھی کندھے پر آبیٹھتا ہے۔

خاتون کا دعویٰ ہے کہ کوا ان سے بات کرتا ہے اور زبان سیکھنے کی کوشش کررہا ہے۔ اس کے علاوہ گھر میں مکڑیوں اور مکھیوں کا فوری طور پر صفایا بھی یہی کوا کرتا ہے۔ خاتون کے مطابق یہ کوا بہت چھوٹا ہے جسے چمچے سے کھانا کھلایا جاتا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.