واٹس ایپ سے ڈیلیٹ شدہ پیغام کیسے بحال کریں؟

image

اگر آپ کو اپنے واٹس ایپ کی چیٹ ہسٹری بحال کرنا نہیں آتی تو پریشانی کی کوئی بات نہیں، اس اسٹوری کو پڑھنے کے بعد آپ بھی یہ مہارت حاصل کرلیں گے۔

ٹیکنالوجی کی اس دنیا میں واٹس ایپ کی مقبولیت کو نظرانداز کرنا ممکن نہیں کیوں کہ یہ دنیا بھر میں رابطہ رکھنے کا بہت بڑا ذریعہ بن چکا ہے اور صارفین اپنی ضرورت کے تحت اس ایپ سے بھرپور فائدہ حاصل کرتے ہیں لیکن اکثر صارفین واٹس ایپ کے تمام فیچرز سے اب تک واقف نہیں ہیں اوروہ چھوٹی چھوٹی باتوں سے پریشان ہوجاتے ہیں۔

واٹس ایپ بھی دنیا بھر میں اپنے صارفین کی سہولت کے لیے نت نئے فیچرز متعارف کرواتا رہتا ہے جس میں ڈیلیٹ کیے ہوئے پیغام کو دوبارہ بحال کرنا بھی شامل ہے۔

حالانکہ یہ کوئی نیا فیچر نہیں لیکن بہت سے صارفین اب بھی اس کا استعمال نہیں جانتے لیکن پریشان ہونے کی ضرورت نہیں، اس اسٹوری کے ذریعے ہم آپ کو واٹس ایپ کی کچھ تکنیکی چیزوں کے بارے میں بتائیں گے۔

واٹس ایپ صارفین کے پیغامات کو اپنے سرور پر محفوظ نہیں رکھتا بلکہ اس کے لیے صارفین کو گوگل ڈرائیو یا پھر کسی تھرڈ پارٹی کا (جو موبائل کی اپنی انٹرنل ڈیواس بھی ہوسکتی ہے)، سہارا لینا پڑتا ہے جو آپ کے واٹس ایپ کی چیٹ ہسٹری کو محفوظ رکھتا ہے اور اس کے ذریعے ہم واپس اپنی چیٹ ہسٹری بحال بھی کرسکتے ہیں۔

ایسا کرنے کے لیے آپ کو واٹس ایپ انسٹال کرنے کے فوراً بعد اپنے واٹس ایپ کی ہسٹری کو ان ڈیوائس سے منسلک کرنا ہوگا جس میں صارفین کے پاس روزانہ، ہفتہ وار اور ماہانہ ہسٹری محفوظ کرنے کا آپشن موجود ہوتا ہے۔

اگر آپ کی چیٹ ہسٹری کسی وجہ سے ڈیلیٹ ہوجاتی ہے تو فوراً واٹس ایپ ان انسٹال کریں اور چیٹ ہسٹری بحال کرنے کے لیے واٹس ایپ دوبارہ انسٹال کریں ، اب گوگل ڈرائیو آپ سے پوچھے گا کہ آپ اپنی چیٹ ہسٹری بحال کرنا چاہتے ہیں یا نہیں ، اب آپ کو ’ری اسٹور‘ پر کلک کرنا ہوگا جس سے آپ کی ہسٹری بحال ہوجائے گی۔

Square Adsence 300X250


News Source   News Source Text

WATCH LIVE NEWS

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.